OECD: Koronavirusi mund të çojë Europën në recesion

OECD: Koronavirusi mund të çojë Europën në recesion


Përhapja e koronavirusit mund të çojë pjesën më të madhe të Evropës në recesion dhe të përgjysmojë rritjen globale të ekonomisë. Organizata për Bashkëpunim Ekonomik dhe Zhvillim (OECD) tha që zona e euros, e cila përfshin disa nga ekonomitë më të mëdha të Evropës, mund përfshihet në tkurrje brenda disa muajsh.

Ndërkohë rritja globale pritet të jetë 1.5% këtë vit, nga 2.9% që ishte parashikimi i mëparshëm, vlerëson OECD.

Lexo: BE ofron 232 milionë euro në luftën kundër Koronavirus-it

Japonia gjithashtu mund të futet në recesion. Ekonomistët e OECD vlerësojnë se, virusi Covid-19 paraqiti kërcënimin më të madh për rritjen ekonomike globale që nga kriza financiare. Ai mund të shkaktojë një “skenar domino” ku ndikimi intensiv i virusit në Kinë të pasqyrohet në vendet e tjera të përparuara, duke goditur rëndë besimin për udhëtim dhe shpenzime.

Ekonomia kineze do të pësojë një rënie të fortë në afat të shkurtër. Nga 6.1% vitin e kaluar, rënia do të jetë më pak se 5% këtë vit, dhe në rekuperim vitin e ardhshëm, sipas OECD.

“Virusi rrezikon t’i japë një goditje të mëtejshme një ekonomie globale, e cila tashmë ishte dobësuar nga tregtia dhe tensionet politike,” tha krye ekonomist-i i OECD, Laurence Boone.

Qeveritë duhet të veprojnë menjëherë për të përmirësuar epideminë, të mbështesin sistemin e kujdesit shëndetësor, të mbrojnë njerëzit, të rrisin kërkesën dhe të sigurojnë një shpëtim financiar për familjet dhe bizneset, që janë më të prekurit”.

Lexo: Koronavirus rrit numrin e personave që punojnë në distancë

Për të zbutur ndikimin ekonomik, punonjësit duhet të lejohen të punojnë nga shtëpia, sipas OECD. Organizata u bëri thirrje qeverive të ndërmarrin hapa për të mbështetur sektorët më të prekur siç janë udhëtimi dhe turizmi, makinat dhe industria e elektronikës.

Ajo  fton gjithashtu bankat qendrore të sigurojnë likuiditet shtesë për bankat, në mënyrë që ata të mund të ndihmojnë bizneset që përballen me probleme imediate likuiditeti.

Burimi: Independent

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0