Koronavirus rrit numrin e personave që punojnë në distancë

Koronavirus rrit numrin e personave që punojnë në distancë



Natyrisht kjo nuk është gjëja e parë që kemi menduar këto ditë, por me përhapjen e Koronavirusit në të gjithë botën, të punuarit nga shtëpia nuk është një privilegj, por është bërë domosdoshmëri. Në Kinë, aty ku nisi të përhapej virusi, në të njëjtën kohë me festimet për Vitin e Ri Hënor, thuajse të gjitha autoritetet lokale i ndalën shumë sipërmarrje të rihapeshin, të paktën deri në mes të shkurtit.

Sipas Bloomberg, po zhvillohet “eksperimenti më i madh i të punuarit në distancë”. Qytetet janë shkretuar, rrugët janë bosh dhe po ashtu, edhe kompanitë. E vetmja alternativë për të vijuar aktivitetin ishte puna në distancë.

Lexo: OBSH: Nuk ka ndryshime në ashpërsinë e koronavirusit

“Kjo është një mundësi e mirë për ne, për të testuar punën nga shtëpia në shkallë të gjerë”, deklaroi për të përditshmen amerikane Bloomberg, Alvin Foo, administrator i deleguar i Reprise Digital, një agjenci publicitare në Shangai me 400 punonjës. Natyrisht, kjo varet edhe nga lloji i profesionit: një profesion krijues në kërkim të lindjes së ideve të reja dhe nevojës së përditshme për të punuar në skuadër do të hasë më shumë pengesa krahasuar me një punë që është më individuale.

Në çdo rast, u organizuan me nxitim takime me klientë dhe diskutime në grup nëpërmjet aplikacioneve të videochat apo në platforma të ndryshme si WeChat Work apo Lark. Me pak fjalë, punonjësit nuk kanë pasur shumë mundësi zgjedhje.

Përhapja e virusit mund të lehtësojë punën nga shtëpia, e cila është duke u rritur. Në fakt, në këtë rast, puna në distancë mbetet e vetmja zgjidhje – dhe ajo më komode – për të mos ndaluar aktivitetin e kompanive. Shqetësimi dhe frika e shumë drejtuesve të kompanive është ngadalësimi i mundshëm i produktivitetit.

Duke u kthyer pas në kohë, që në vitin 2015, Universiteti i Stanford në Kaliforni pati publikuar një studim mbi disa punonjës kinezë në call center që deklaronin se mjedisi i shtëpisë është më i përshtatshëm për të punuar dhe pauzat më të shkurtra rrisnin produktivitetin me 13%.

 

Çështja klimatike:

Por ana positive, nuk mbaron vetëm me komfortin e të punuarit nga shtëpia. Siç thekson website Gizmodo, puna në distancë sjell efekte pozitive në mjedis, dhe është një nga mënyrat më të thjeshta dhe ekonomike për të reduktuar emetimet e gazit serrë.

“Nëse Koronavirusi ju frikëson, po aq duhet t’ju frikësojnë edhe ndryshimet klimatike” shkruhet në një artikull në të përditshmen amerikane, duke nënvizuar që në vitet para Presidentit Trump, në nivel federal, puna në distancë shihej si një zgjidhje për të reduktuar gjurmën e karbonit të një individi të vetëm.

Lexo: Fondacioni Gates dhuron 100 milion dollarë për Koronavirusin.

Por, shumë ndryshon edhe mënyra se si njerëzit shkojnë në punë, ndryshon pak nëse shkojnë më këmbë apo marrin trenin. Diferenca është e madhe nëse marrin makinën. Është interesante të mendosh që Shtetet e Bashkuara të Amerikës, që në vitin 2000, e shihnin punën në distancë si një plan emergjence për t’u vënë në zbatim në rast të ndonjë epidemie.

Burimi: Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0