Fondacioni Gates dhuron 100 milion dollarë për Koronavirusin.


Fondacioni Gates dhuron 100 milionë dollarë për t’u ardhur në ndihmë nga shpërthimi i Koronavirusit. Bamirësia e Bill Gates premton të dhurojë deri në 100 milionë dollarë për të luftuar shpërthimin e Koronavirusit që ka marrë qindra jetë.

Fondacioni Bill & Melinda Gates do të dhurojë deri në 20 milionë dollarë. Ato menjëherë do të shkojnë drejt zbulimit, izolimit dhe trajtimit të virusit vdekjeprurës me qëllim përmbajtjen e tij, tha bamirësi me bazë në Seattle.

Lexo: Twitter do të ndryshojë kërkimet për dezinformimin nga koronavirusi

Fondacioni tha që këto fonde do të shkojnë në organe “shumëpalëshe” të tilla si Qendrat e Sh.B.A për Kontrollin dhe Parandalimin e Sëmundjeve dhe Organizatën Botërore të Shëndetit, e cila të mërkurën bëri thirrje për 675 milionë dollarë për të ndihmuar në adresimin e virusit ndërkombëtarisht.

Autoritetet shëndetësore në Kinë, epiqendra e shpërthimit dhe vendet e tjera me raste të konfirmuara gjithashtu do të mbështeten, tha bamirësi. “Shpresa jonë është që këto burime të ndihmojnë në katalizimin e një reagimi të shpejtë dhe efektiv ndërkombëtar,” tha Drejtori i Përgjithshëm i Fondacionit Gates, Mark Suzman. “Kjo përgjigje duhet të udhëhiqet nga shkenca, jo nga frika, dhe ajo duhet të bazohet në hapat që Organizata Botërore e Shëndetësisë ka ndërmarrë deri më sot.”

Fondacioni do të vendosë gjithashtu deri në 60 milionë dollarë drejt përshpejtimit të zhvillimit dhe testimit të vaksinave për Koronavirusin, për të cilin tha se do të jetë thelbësore për të parandaluar më shumë vdekje nëse sëmundja vazhdon të përhapet për disa muaj.

Deri në 20 milionë dollarë do të shkojnë tek autoritetet shëndetësore në Azinë e Jugut dhe Afrikën Sub-Sahariane, të cilat janë goditur veçanërisht shumë nga epidemitë e fundit, sipas fondacionit. Fondet do të ndihmojnë zyrtarët të izolojnë dhe trajtojnë rastet e konfirmuara, të forcojnë qendrat e operacioneve të urgjencës dhe “të zbatojnë përpjekje efektive të mbikëqyrjes së sëmundjeve”.

Lexo: Kërkimet për vaksinën e koronavirusit. Jack Ma dhuron 14 milionë dollarë

Angazhimi i 100 milionë dollarëve i Fondacionit Gates përfshin 10 milionë dollarë për të luftuar shpërthimin deri në fund të muajit të kaluar, tha ai. Bamirësi bashkë-kryesohet nga bashkëthemeluesi i Microsoft Bill Gates, i cili është njeriu i dytë më i pasur në botë me një vlerë neto prej 117 miliardë dollarësh, sipas Bloomberg dhe gruaja e tij, Melinda, ish menaxhere e përgjithshme e Microsoft.

Burimi: Fox News

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale