Numri i ndërmarrjeve me kapital të huaj u rrit në 2021-in - Business Magazine Albania

Numri i ndërmarrjeve me kapital të huaj u rrit në 2021-in

600 ndërmarrje të reja me kapital të huaj dhe të përbashkët u hapën vitin e kaluar në vend, duke e çuar numrin total të tyre në 6 635 subjekte, shifra më e lartë e regjistruar ndonjëherë. 

Pjesa më e madhe e tyre mbi 5700 subjekte janë sipërmarrje të vogla që punësojnë 1 deri në 9 persona që kanë rezultuar me rritje këtë periudhë, ndjekur nga bizneset me 10 deri në 49 punonjës që u pakësuan. Ndërsa vetëm rreth 300 biznese të huaja numërojnë mbi 50 të punësuar.

Statistikat tregojnë se tregtia vazhdon të dominojë pjesën dërrmuese të aktivitetit të bizneseve të huaja që mbi gjysma mbizotërohen nga vendet e Bashkimit Europian, ndjekur nga shërbimet dhe industria.

Por, së fundmi vihet re edhe një interes i shtuar i investitorëve të huaj për të investuar në ‘Informacion e Komunikacion’. Vitin që lamë pas u regjistruan 97 biznese të reja në këtë sektor duke e çuar numrin e tyre në 528 gjithsej në fund të vitit 2021, me një rritje të ndjeshme krahasuar me 2020-ën.

Lexo edhe: Bilali: Kanë aplikuar 400 startup-e për pasaportën e startup-it. Aplikimi për pasaportë deri me 3 qershor

Sipërmarrjet me pronarë dhe bashkëpronarë italianë e grekë zënë gati gjysmën e totalit të bizneseve të huaja e të përbashkëta në Shqipëri, subjekte që janë përqendruar kryesisht në dy qarqet më të mëdha të vendit, në Tiranë dhe Durrës.

Pas tyre, janë bizneset me pronësi e bashkëpronësi nga Kosova që pas rënies në vitin pandemik në 2020-ën, iu rikthyen rritjes vitin e kaluar, ndërsa ndërmarrjet e huaja e të përbashkëta nga Turqia që operojnë në vend kanë vijuar rënien për të katërtin vit radhazi.

Vitin që lamë pas, së bashku me ndërmarrjet e huaja u hapën në total rreth 15 mijë biznese të reja vend, duke bërë që numri i bizneseve aktive në vend të arrijë në 118.627.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0