Nuk do ketë më WhatsApp për këto telefona pas 31 dhjetorit - Business Magazine Albania

Nuk do ketë më WhatsApp për këto telefona pas 31 dhjetorit


WhatsApp ka zbuluar se do të ndalojë mbështetjen për një numër të pajisjeve deri në fund të këtij viti. Para smartphone-ëve, Nokia Symbian ishte sistemi operativ më dominues në tregun e telefonisë. Pavarësisht shfaqjes në pajisjet legjendare Nokia, sistemit operativ duket se po i vjen fundi shumë shpejt.

Aplikacioni më i njohur për mesazhet, WhatsApp ka lëshuar një deklaratë duke përmendur sistemet operative që nuk do të marrin mbështetje nga kompania pas përfundimit të vitit 2016. Njoftimi është bërë në muajin shkurt të këtij viti.

Kompania beson se teknologjia e nevojshme për të inkorporuar shërbimet e fundit dhe sigurinë brenda aplikacionit nuk është në dispozicion në këto sisteme operative. “Ndërkohë që këto pajisje mobile kanë qenë një pjesë e rëndësishme e historisë sonë, ato nuk ofrojnë llojin e aftësive për të cilat ne kemi nevojë për të zgjeruar shërbimet e aplikacionit tonë në të ardhmen.”

Këto janë sistemet operative që nuk do të kenë qasje në Whatsapp pas 31 dhjetorit:

BlackBerry OS dhe BlackBerry 10

Nokia S40

Nokia Symbian S60

Android 2.1 dhe Android 2.2

Windows Phone 7.1

iPhone 3GS / iOS 6

Kompania rekomandoi përditësimin në një Android, iPhone, ose Windows Phone më të ri para përfundimit të vitit 2016 për të vazhduar përdorimin WhatsApp.

 

burimi: businesstoday

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0