Një projekt madhor që ka nisur të projektohet falë mbështetjes së posaçme të Presidentit Erdogan, asistencës teknike të ekipit të “Turkish Airlines” me në krye Drejtorin Ekzekutiv Z. Ilker Ayci dhe qeverisë shqiptare, është ngritja e një linje të re ajrore shqiptare, e cila pritet të nisë fluturimet e para në fund të këtij viti.
Nëpërmjet kësaj linje do të synohet rritja e cilësisë së shërbimit si në aeroport ashtu edhe në avion, në mbështetje të të gjithë udhëtarëve për destinacionet ku mund të shkojnë. Kjo është një ndihmë e madhe për t’iu ofruar qytetarëve tanë fluturime cilësore, më të lira dhe me sa më shumë destinacione. Ky është një investim, një shërbim në funksion të pasagjerëve shqiptarë dhe jo vetëm, por padyshim në funksion edhe të imazhit të vendit.
Ky projekt paralelisht shoqërohet me një projekt tjetër madhor siç është ndërtimi i aeroportit të ri rajonal të Vlorës. Një aeroport që përbën jo vetëm një objektiv, por dhe një domosdoshmëri për zhvillimin e mëtejshëm ekonomik dhe për nxitjen e mëtejshme të turizmit në Shqipëri.
burimi: aida.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
