Një letër e Steve Jobs na jep shembullin se çfarë është një oferte e pazakontë për punonjësit - Business Magazine Albania

Një letër e Steve Jobs na jep shembullin se çfarë është një oferte e pazakontë për punonjësit

Njëmbëdhjetë vjet pas bashkëthemelimit të Apple, Steve Jobs u pushua nga puna. Kështu, në vitin 1985, Jobs përdori ambicien e tij – dhe 12 milionë dollarë nga paratë e veta- për të nisur NeXT, një kompani që Jobs filloi me qëllim që të ndërtonte kompjutera për kolegjet dhe studiuesit. Së fundi, një pjesë e historisë nga ajo periudhë në karrierën e ikonës së teknologjisë doli në ankand.

Në vitin 1989, një vit pasi NeXT lëshoi ​​​​kompjuterin e tij të parë, Jobs zgjati ofertën e punës për David Nagy. Ky i fundit punonte si menaxher produkti në Apple në atë kohë. Jobs i ofroi Nagit një pagë prej 80,000 dollarë në vit, të paguar çdo muaj paraprakisht, për t’u bashkuar me të në NeXT. Sipas letrës së ofertës të marrë nga “RR Auction”, roli – i cili nuk kishte një titull – erdhi gjithashtu me një bonus nënshkrimi prej 5,000 dollarësh, opsione për të blerë 5,000 aksione të zakonshme NeXT dhe mbulim sipas planit të kujdesit shëndetësor të punonjësve të kompanisë.

Letra e Jobs përfundon me një besim deri diku arrogant në formën e një fjalie entuziaste – “Unë e pranoj këtë ofertë jashtëzakonisht të madhe!!!” – sipër një hapësire boshe, ku Nagy duhej të firmoste emrin e tij. Sidoqoftë, Jobs nuk mundi ta merrte si punëtor Nagy-n, i cili qëndroi në Apple deri në vitin 1993.

Lexo edhe: Steve Wozniak: Steve Jobs nuk ishte një lider i lindur, ai punoi për të ‘zhvilluar aftësitë e tij të komunikimit’

Nagy shtoi se, e dinte që NeXT po përpiqej të dilte në dritë dhe ende i vjen keq që refuzoi punën.

“Oferta ishte shumë e pazakontë, pasi nuk kishte titull pune, departament apo fusha të veçanta përgjegjësie,” shkroi Nagy në letër. “Më pëlqeu puna ime në Apple dhe nuk mendoja se NeXT do të ishte i suksesshëm, por në retrospektivë padyshim që duhet të kisha shfrytëzuar rastin.”

Në vitin 1997, Apple bleu NeXT – i cili përfundimisht u bë i njohur për softuerin e tij kompjuterik – për 429 milionë dollarë dhe ripunësoi Jobs.

Paga prej 80,000 dollarësh që ofronte Jobs do të vlente rreth 180,000 dollarë sot, sipas Byrosë së Statistikave të Punës. Por, duke pasur parasysh mungesën e një titulli pune dhe stilin gërryes të udhëheqjes së Jobs, është gjithashtu e mundur që oferta të mos ishte aq fantastike sa reklamohej.

Guy Kawasaki, i cili ka punuar për Apple gjatë viteve 1980 dhe ’90, tha se puna për Jobs “ishte ndonjëherë e pakëndshme dhe gjithmonë e frikshme”.

“Në Divizionin e Macintosh-it, ju duhej të provonit veten çdo ditë, ose punët të hiqnin qafe”, shkroi Kawasaki, në një artikull kontribues për CNBC Make It. “Ai kërkonte përsosmëri dhe ju mbajti në krye të lojës… por kjo i shtyu shumë prej nesh të bënin punën më të mirë të karrierës sonë.”

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0