Një gamë e re e-shërbimesh nga Ministria e Zhvillimit Urban, tashmë në portalin e-Albania!

Një gamë e re e-shërbimesh nga Ministria e Zhvillimit Urban, tashmë në portalin e-Albania!


14 mundësi të reja për të aplikuar online lidhur me kërkesat specifike që mund të ketë një subjekt, biznes apo qytetar ndaj institucionit për liçenca të ndryshme në fushën e ndërtimit, projektimit dhe studimit. Sportelet e këtyre shërbimeve vijnë më pranë përdoruesve përmes portalit unik qeveritar e-albania.al.

Deri më sot procedurat kanë qenë të lodhshme dhe fizikisht ju kanë shpenzuar shumë kohë e durim. Por tani, online përmes 14 e-shërbimeve të ndryshme, qetësisht nga kompjuteri, tableti apo smartphone juaj mund të kryeni të gjitha veprimet, duke eliminuar kostot e shërbimit postar, noterizimin e dokumenteve të kërkuara, si dhe procedurat e tepërta burokratike deri në trajtimin e aplikimit. Gjithashtu, çdo aplikues mund të ndjekë ecurinë e trajtimit të aplikimit të tij, në çdo moment, falë lehtësive që ofron ky sistem.

Shërbimi  i kërkuar do të merret nga aplikanti jo më vonë se 38 ditë, me një kosto minimale prej 150 lekësh të reja.

Jeni një biznes dhe kërkoni të pajiseni me liçencë profesionale shoqërie në fushën e studimit e projektimit dhe/ose mbikëqyrjes e kolaudimit?

Tani, online përmes shërbimit “Aplikim për herë të parë, për liçencë shoqërie në fushën e studimit e projektimit dhe/ose mbikëqyrjes e kolaudimit”, ju mund të ngarkoni gjithë dokumentacionin e kërkuar për shoqërinë dhe drejtuesit teknik të saj, nga kompjuteri, tableti apo smartphone juaj.

Klikoni këtu dhe përdorni shërbimin sipas udhëzimeve të detajuara.

Rinovimi i kategorive të liçencës profesionale

Nëse jeni individ që kërkoni të aplikoni për rinovimin e kategorive të liçencës profesionale individuale në fushën e studimit e projektimit dhe/ose mbikëqyrjes së kolaudimit, atëherë lehtësisht dhe pa shumë vonesa shërbimin e gjeni online te portali e-Albania.

Individi që kërkon të realizojë aplikimin online, mjafton të ndjekë me kujdes të gjitha hapat udhëzuese në shërbim dhe të plotësojë fushat e aplikimit online.

Klikoni këtu për të përdorur shërbimin.

Individët që disponojnë një liçencë profesionale në fushën e studimit dhe projektimit apo/dhe mbikëqyrjen e kolaudimin në ndërtim dhe kërkojnë të shtojnë kategori në licencën e tyre, tashmë e kanë fare të lehtë që ta dërgojnë aplikimin e tyre online drejt Ministrisë së Zhvillimit Urban përmes shërbimit specifik që ky institucion ofron përmes e-albania-s.

Klikoni këtundiqni në mënyrë të detajuar të gjitha hapat dhe dokumentacionet e nevojshme që nevojiten për t’u kryer procedurat.

/e-Albania

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0