Ka nisur sot në Serbi vaksinimi i popullsisë kundër virusit COVID-19. E para që mori vaksinën e kompanive Pfizer dhe BioNtech në Institutin “Torlak” për Virologjinë ishte kryeministrja Ana Brnabiç. Vaksinën e mori edhe ministri i Punës si dhe dy virologë, anëtarë të shtabit të krizave.
Sasitë e para prej 4800 vaksinash të Pfizer dhe BioNtech mbërritën në Serbi të martën dhe kanë nisur të vaksinohen personat mbi 70 vjeç, në shtëpitë e të moshuarve në Beograd dhe Novi Sad. Serbia është vendi i parë në rajon që siguroi vaksinën nga kompanitë Pfizer dhe BioNtech. Sipas zyrtarëve, 20 mijë doza të tjera të vaksinës pritet të mbërrijnë brenda disa ditësh, ndërkohë që 340,000 doza të tjera priten në muajin janar.
Lexo: Vaksinimi në Shqipëri gjatë janar-mars 2021. Flet Silva Bino për DW
Sipas planit të vaksinimit në BE, do t’u bëhet fillimisht personave mbi 70 vjeç në azile. Pas punonjësve dhe njerëzve, pas 15 ditësh nuset me punonjësit e mjekësisë.
Vaksinimi në masë pritet të nisë në prill, sipas ministrit të shëndetësisë Zlatibor Lončar. Vaksinimi në Serbi do të jetë vullnetar dhe falas, kanë theksuar zyrtarët në disa raste.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
