Nga muaj Shkurt nis shërbimin "Qendra e Thirrjeve" për bizneset - Business Magazine Albania

Nga muaj Shkurt nis shërbimin “Qendra e Thirrjeve” për bizneset


Për çdo çështje që ka lidhje me administratën tatimore, individët apo edhe bizneset do të mund të marrin informacion përmes një qendre të dedikuar, e cila do të nisë të funksionojë nga muaji Shkurt.

Drejtoria e Përgjithshme e Tatimeve njoftoi se sipërmarrësit dhe qytetarët mund të marrin asistencë dhe informacion pa pagesë përmes Qendrës së Thirrjeve (Call Center). Ky shërbim ofrohet për herë të parë nga administrata tatimore.

“Duke telefonuar Qendrën e Thirrjeve, tatimpaguesit dhe qytetarët do të marrin asistencë në kohë reale për çështje që lidhen me administratën tatimore, pa qenë nevoja të prezantohen në sportelet e shërbimit të tatimpaguesve.”

Shërbimi do të ofrohet me dy turne, nga e Hëna në të Enjte, prej orës 09:00-20:00 dhe të Premten nga ora 09:00 deri në orën 16:00. Për të garantuar ofrimin e asistencës dhe informacionit të cilësisë së lartë është trajnuar një staf i dedikuar, si dhe janë aplikuar për herë të parë sisteme të avancuara operative për trajtimin e thirrjeve.

Qytetarët do të kenë mundësinë të përzgjedhin llojin e informacionit nëpërmjet shërbimit të përgjigjes automatike”, thuhet në njoftimin e DPT-së.

Për të parë reagimin e biznesit në lidhje me nevojat për këtë shërbim, tatimet ndërmorën anketime, ku më shumë se 60% e bizneseve deklaruan se preferonin të marrin shërbime me Call Center.

Kjo qasje e Tatimeve ndaj biznesit po vjen pas defekteve që shfaqi aksioni i fazës së parë antiinformalitet që u zhvillua në terren gjatë vitit të kaluar. Kthimi i marrëdhënieve në normalitet po testohet duke pyetur bizneset.

Burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0