Ndryshon gjendjen nga e ngurta në të lëngët, shkenca bën mrekullinë në robotikë - Business Magazine Albania

Ndryshon gjendjen nga e ngurta në të lëngët, shkenca bën mrekullinë në robotikë

Shkencëtarët kanë bërë një revolucion në robotikë, një robot që mund të ndryshojë gjendjen e tij nga e ngurtë në të lëngët pa humbur forcën. Këta robotë të frymëzuar nga kastravecët e detit mund të tejkalojnë kufizimet e homologëve që kanë vetëm një lloj gjendjeje dhe kanë potencial më të lartë për t’u përdorur në  elektronikë dhe mjekësi.

Kastraveci i detit mund të ndryshojë ngurtësinë e indeve të tij për të rritur kapacitetin e ngarkesës dhe të kufizojë dëmtimet fizike. Për të dizenjuar një robot që mund të bënte të njëjtën gjë, shkencëtarët kishin nevojë për një material  jo toksik që mund të ndryshonte gjendjen e tij në temperaturë ambienti.

Për këtë ata zgjodhën Galiumin, një metal i butë që e ka pikën e shkrirjes në 29.76 gradë Celsius, vetëm disa gradë më pak se temperatura e trupit të njeriut. Galiumi mund të shkrijë vetëm duke e mbajtur në dorë. Kësaj matrice iu bashkangjitën edhe copëza magnetike.
lexo: Shitjet e telefonave inteligjentë pësojnë rënien më drastike nga 2013

Pasi e testuan për të parë ndryshimin e gjendjes nga e ngurtë në të lëngët, shkencëtarët i vendosën robotët në prova të tjera. Ata mund të kalonin hendeqe të vogla, të ngjiteshin e madje edhe të ndaheshin për të ndërvepruar në lëvizjen e sendeve përpara se të bashkoheshin sërish dhe të ngurtësoheshin.

Madje, ata testuan një robot në trajtën e një njeriu LEGO që shkriu për të dalë nga një qeli e vogël e improvizuar. Më tej, shkencëtarët ndërtuan modelin e stomakut njerëzor dhe e vendosën robotin për të hequr një send prej andej, një lloj shembulli për të parë si mund të funksionojë në rastet e gëlltitjes së baterive. Operacioni vijues ishte dërgimi i një objekti me anë të robotit që mund të jetë për rastet e shpërndarjes së  barnave brenda organizmit.

Gjithsesi, për të gjetur vend në realitet, robotët do duhet të përmirësohen. Duke qenë se temperatura e trupit të njeriut është më e lartë se sa pika e shkrirjes së Galiumit, nevojitet që roboti të ruajë të gjitha aftësitë e tij dhe njëkohësisht të gjendet një kombinim që mund të rrisë pikën e tij të shkrirjes. Megjithatë, kërkuesit janë të mendimit  se kjo çështje duhet vëzhguar në detaje. robot

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #33 - Nëntor 2023

Numri 33 i revistës tonë, i cili me krenari mund të quhet “Revista e Personazheve.” Në këtë numër, jemi fokusuar në trajtimin e personaliteteve të shquara në fusha të ndryshme, brenda dhe jashtë kufijve të vendit tonë.

Dinamika e emigracionit ka bërë që shqiptarët të kontribuojnë në mënyra të ndryshme në vende të shumta të botës, duke ruajtur gjithmonë lidhjen me atdhen. Numri ynë i ri shpalos ngjarjet dhe angazhimet e tyre, duke sjellë në fokus dinamikën e tyre në ekonominë globale.

Në faqet e revistës, do të njiheni me personalitete të rëndësishme si Drita Ivanaj, e cila me fondacionin e saj ndihmon në avancimin e arsimit dhe kulturës. Gjithashtu, do të përfshihemi në misionin e dr. Skënder Myrtezanit dhe anëtarëve të Vatra Queens, New York, për kthimin e eshtrave të At Fan Nolit në Shqipëri.

Marjana Koçeku, …

Shiko më shumë
Na ndiqni në rrjetet sociale
0