Ndryshimi që bëri Facebook në heshtje për të shmangur një fatkeqësi tjetër - Business Magazine Albania

Ndryshimi që bëri Facebook në heshtje për të shmangur një fatkeqësi tjetër


Facebook ka rritur fuqinë e komitetit të saj të auditimit në atë që shihet si një koncesion i madh për aksionarët, të cilët ishin të zemëruar nga ajo që ndodhi me privatësinë e të dhënave me Cambridge Analytica dhe skandalet e tjera.

Të Premten, Facebook ndryshoi qetësisht emrin e komitetit të saj të auditimit – i cili kryesohet nga ish shefi i shtabit të Shtëpisë së Bardhë, Erskine Bowles – në komiteti i auditimit dhe mbikëqyrjes së riskut.

Komiteti do të monitorojë ndikimin social të Facebook, masat mbrojtëse të privatësisë dhe rrezikun e sulmeve kibernetike. Ajo shihet si një koncesion i madh për aksionarët. Ata e mirëpritën lajmin, por thanë se Facebook do të gjykohet nga veprimet e tij, jo nga premtimet e tij.

Përgjegjësitë e komitetit janë rritur gjithashtu duke përfshirë tre çështje kryesore:

  1. Do të shqyrtojë se si mund të përdoren shërbimet e Facebook për të lehtësuar dëmtimet për sigurinë publike ose interesin publik. Kjo mund të shihet si një referencë ndaj lajmeve të rreme dhe ndërhyrjes së zgjedhjeve.
  2. Ai do të hetojë “programin e privatësisë” të Facebook pas Cambridge Analytica, në të cilin llogaritë e 87 milionë përdoruesve janë kompromentuar.
  3. “Ekspozimet ndaj rreziqeve të sigurisë kibernetike” të Facebook gjithashtu do të analizohen nga komiteti.

Grupi i drejtuesve të Bowles, i cili përfshin gjithashtu Marc Andreessen, Kenneth Chenault dhe Jeffrey Zients, do të kryejë këto rishikime të paktën një herë në vit.

Ndryshimet ndiqen nga presioni i investitorëve në Facebook për të krijuar një komision të pavarur ndaj rreziqeve. Në fakt, ky propozim u paraqit në takimin e investitorëve të Facebook muajin e kaluar dhe pati mbështetje nga 45% e aksionerëve të pavarur të kompanisë.

Një lëvizje “e nevojshme dhe pozitive”

Jonas Kron, zëvendës presidenti i lartë i Trillium Asset Management, i cili paraqiti propozimin në emër të klientit të tij Park Foundation, mirëpriti vendimin e Facebook për të forcuar komitetin e saj të auditimit.

Për Business Insider ai tha se: “Ky është një zhvillim shumë i domosdoshëm dhe pozitiv. Ai u ofron investitorëve një kuptim më të qartë se kush ka përgjegjësinë përfundimtare për mbikëqyrjen e privatësisë, ndikimin social, sigurinë kibernetike dhe pajtueshmërinë.”

Kron, i cili menaxhon rreth 10 milionë dollarë aksione në Facebook në emër të Park Foundation, megjithatë theksoi se komitetit duhet t’i jepet fuqia e duhur për të mbajtur menaxhimin e llogarive dhe duhet të takohet çdo tre muaj, ose të paktën dy herë në vit.

Open Mic, një organizatë që ndihmon aksionarët për të përmirësuar qeverisjen në disa nga kompanitë më të mëdha të Amerikës, tha se ky ishte një “hap i rëndësishëm”. Drejtori Ekzekutiv Michael Connor, i cili ka punuar me Trillium në propozimin e tij, shtoi: “Facebook do të vazhdojë të gjykohet nga mënyra se si ai në fakt shmang rreziqet që dëmtojnë miliarda përdorues të tij, jo nga ajo që premton.”

burimi: BI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0