Millennials në Shtetet e Bashkuara kanë një grup vlerash të ndryshme në lidhje me temat sociale dhe ekonomike sesa gjeneratat para tyre, sipas një raporti të ri nga Census Bureau të SHBA.

Raporti krahasoi të dhënat për marrëdhëniet, arsimin dhe arritjet ekonomike të amerikanëve modernë të moshës 18-34 vjeç me ato të të njëjtit grupmoshë në vitin 1975.

“Çfarë duket qartë është se sot të rinjtë duken ndryshe nga gjeneratat e mëparshme në pothuajse çdo aspekt: ​​në edukimin që kanë, përvojat e tyre të punës, kur fillojnë një familje dhe madje edhe me jetën që bëjnë,” thuhet në raport. “Nuk është për t’u habitur që kur prindërit kujtojnë histori nga rinia e tyre, ata po kujtojnë se sa të ndryshme ishin përvojat e tyre.”

Lexoni: Përtej shpërblimeve dhe përfitimeve: Çfarë e bën një kompani vërtet të mirë?

Shumica e të rinjve tani besojnë se arsimi dhe arritjet ekonomike janë pjesë jashtëzakonisht e rëndësishme e moshës madhore dhe më shumë se gjysma, 55%, besojnë se martesa dhe të kesh fëmijë nuk është shumë aq e rëndësishme.

Ky mentalitet ndryshon nga vlerat e 40 viteve më parë. Në vitin 1975, 8 në 10 persona martoheshin në kohën kur mbushnin 30 vjeç. Tani, 8 në 10 persona martohen në kohën kur mbushin 45 vjeç.

Edhe femrat e reja, sipas të dhënave po ndjekin të njëjtën rrugë. Në 40 vitet e fundit, femrat kanë arritur “përfitime të konsiderueshme ekonomike” dhe përparojnë me punësimin, ndërsa bashkëmoshatarët e tyre meshkuj kanë pësuar rënie. Vetëm 14% e femrave të reja moderne janë shtëpiake në ditët e sotme, krahasuar me 43% të tyre në vitin 1975.

burimi: TIME