Ditët e bezdishme kur u kërkonit miqve tuaj fjalëkalimet e Wi-Fi çdo herë që i vizitonit, më në fund po shkojnë drejt fundit. Ose të paktën për të gjithë ata që kanë iPhone me iOS 11.
Kur Apple lançoi sistemin e ri operativ, iOS 11, në WWDC këtë javë, kompania zbuloi disa veçori të reja duke përfshirë përditësimet Siri, pagesat me anë të telefonit dhe një panel të ri të ekranit, ndër të tjera. Por një nga funksionalitetet më të mëdha ishte lidhja automatike e Wi-Fi mes pajisjeve iOS 11.
Veçoritë e reja do ta bëjnë lidhjen e miqve në rrjetin tuaj Wi-Fi, një proces më të shpejtë, të ngjashëm me përvojën e lidhjes me kufjet AirPods.
Për të përdorur funksionin e ri të ndarjes së Wi-Fi në iOS 11, thjesht tërhiqni lart ekranin gjatë momentit kur doni të identifikoheni në pajisjen “e huaj” për të cilën do të lejoni qasje dhe ta vendosni pranë pajisjes tashmë në rrjet. Pajisja në rrjet do të njoftohet se dikush tjetër është duke u përpjekur për t’u bashkuar me rrjetin dhe do t’i jepet mundësia e dërgimit të fjalëkalimit drejtpërsëdrejti përmes ajrit. Pasi të keni konfirmuar transferimin, fusha e fjalëkalimit në pajisjen “e huaj” do të plotësohet dhe automatikisht do të jepet aksesi në rrjet.
Funksioni i ri është i sigurtë që do të bëhet një shpëtim jete për këdo që ka fjalëkalime të ndërlikuara të Wi-Fi. Funksionalitetet e reja për ndarjen e Wi-Fi në iOS 11 janë vetëm një nga shumë karakteristikat që vijnë në sistemin e ri operativ. Që kur kompania lëshoi versionin beta të iOS, karakteristika të shumta të fshehura janë duke u shtuar, duke përfshirë opsione të përshtatura të kujtesës dhe aftësinë për të fshirë automatikisht aplikacionet e papërdorura.
Këto shtime duken se e bëjnë iOS 11 të jetë më i dobishëm për ata që këmbëngulin në mikromenaxhimin e ruajtjes dhe përdorimit të të dhënave mobile në pajisjet tona. Dhe për miqtë që vazhdimisht po lidhen me Wi-Fi tonë: më në fund mund të ndalojnë së na kërkuani fjalëkalimet tona.
burimi: mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
