Mbyllja e ekonomisë dy muaj 400 milionë dollarë dëme sipas Konfindustrisë


Konfindustria ka vlerësuar se fatura financiare e dëmeve ndaj ekonomisë kombëtare të shkaktuara drejtpërdrejtë nga menaxhimi joprofesional i krizës së Covid 19 nga ekzekutivi, llogaritet të jetë e rendit të 350-400 milionë dollarë vetëm për muajt mars dhe prill 2020.

Në analizën e saj, Konfidnustria ka vlerësuar në mënyrë krahasimore menaxhimin e krizës nga vende të Rajonit si Bullgaria, Kroacia dhe Greqia, që kanë patur rezultate shëndetësore më të mira dhe/ose të ngjashme me Shqipërinë. Analiza tregon, se masat shtrënguese kundër Covid 19 në Shqipëri kanë qene mjaft të ashpra dhe tërësisht jopërpjestimore me rrezikun shëndetësor, duke sjellë në mënyrë të paarsyeshme rëndimin e faturës financiare me afër 400 milionë dollarë humbje të biznesit, qytetarëve dhe buxhetit të shtetit. “Me një menaxhim më të përgjegjshëm dhe profesional fatura në fjalë ishte lehtësisht e shmangshme”, sipas administrorit Gjergj Buxhuku.

Lexo: Konfindustria: të hiqen masat shtrënguese. Nevojitet qarkullimi i lirë Shqipëri-Kosovë

Konfindustria ka bërë të ditur më parë që humbjet e përllogaritura të ekonomisë formale për muajit mars, prill 2020 llogariten në 1,2 miliardë dollarë. Përfaqësues të ekzekutivit pranuan se fundi plotësisht vërtetësinë e këtyre humbjeve. Duke patur patur parasysh edhe pjesën joformale të tregut, humbjet tërësore e tejkalojnë shumën e 2 miliardë dollarëve, sipas Konfindustrisë.

Ndaj ajo i kërkon qeverisë, që të kalohet me shpejtësi drejt normalitetit të plotë për të gjitha kategoritë e biznesit dhe lëvizjes qytetarëve. “Fatura financiare e dëmeve të ekonomisë kombëtare rritet me shpejtësi në ccdo orë të ndalimit të paarsyeshëm të kategorive të biznesit dhe qarkullimit të qytetarëve në gjithë hapsirën e vendit, përfshi edhe Kosovën. Rreziku shëndetësor nga Covid 19 në Shqipëri dhe Rajon është provuar, se ka qenë i papërfillshëm krahasuar me shtete të tjera të BE-së”, thekson Konfidnustria.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale