Match Maker Albania / 1000 pjesëmarrës nga 37 shtete të botës - Shqipëria, një potencial që nuk duhet humbur! - Business Magazine Albania

Match Maker Albania / 1000 pjesëmarrës nga 37 shtete të botës – Shqipëria, një potencial që nuk duhet humbur!

Match Maker Albania / 1000 pjesëmarrës nga 37 shtete të botës - Shqipëria, një potencial që nuk duhet humbur!

Tirana mblodhi sot një prej ngjarjeve më të mëdha të vitit për komunitetin e biznesit në Shqipëri – Match Maker Albania 2025. Ky event i rëndësishëm, organizuar nga AIDA (Agjencia Shqiptare e Zhvillimit të Investimeve) me mbështetjen e Ministrisë së Ekonomisë, Kulturës dhe Inovacionit, solli së bashku aktorë kyç të ekonomisë dhe investimeve me qëlimin për të krijuar një platformë për bashkëpunime të reja dhe zgjerim të tregjeve.

Eventi u përshëndet që në nisje nga kreu i AIDA  Laura Saro, kryeminsitri Edi Rama  dhe ministri i Ekonomisë, Kulturës dhe Inovacionit Blendi Gonxhja, ndërsa më pas iu la vendi diskutimeve në panele rreth mundësive dhe strategjive për të investuar në Shqipëri dhe fuqizuar në rajon e më gjerë markën “Made in Albania”.

“Do të nënshkruajmë sot 5 memorandume mirëkuptimi me agjenci homologe. Ky event shërben për të ngritur pozicionin e Shqipërisë si një vend i mirë për të investuar. Dua t’i tregojmë botës se çfarë është realisht Shqipëria, jo vetëm një vend i pasur me burime natyrore, po një vend miqësor për të bërë biznes. “, u shpreh Laura Saro, Drejtoresha Ekzekutive e Agjencisë Shqiptare të Zhvillimit të Investimeve.

Lexo edhe : AIDA në MIPIM 2025: Shqipëria promovohet si destinacion investimesh në pasuri të paluajtshme

Në fjalën e tij kryeministri Rama ftoi mbi 1000  pjesëmarrësit nga 37 shtete  të botës që të investojnë në Shqipëri, pasi vendi ynë ka potencial dhe është premtues për të ardhmen. “Është koha për të blerë qoftë edhe një gur në Shqipëri sepse nesër do të jetë vonë, nesër të gjithë do të duan të vijnë, do të duan të blejnë dhe të do të jetë shumë e shtrenjtë për shumicën prej jush. Kështu që çfarëdo doni të blini, blijeni tani çfarë doni të bëni bëjeni tani. Sado të doni që të bëni në fitime bëjeni tani sepse është koha që kur Shqipëria nis të lulëzojë dhe ende nuk është plotësisht e njohur për potencialin që ka dhe për mundësitë e jashtëzakonshme”, theksoi Rama.

Për bizneset shqiptare, Match Maker Albania 2025 është një portë drejt rritjes dhe zgjerimit në tregjet globale. Ky është një hap i rëndësishëm për forcimin e pranisë së Shqipërisë në tregjet ndërkombëtare dhe për rritjen e eksporteve vendase.

 

Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0