Mark Zuckerberg zbulon "gabimin e tij 20-vjeçar" - Business Magazine Albania

Mark Zuckerberg zbulon “gabimin e tij 20-vjeçar”

Mark Zuckerberg

Mark Zuckerberg ka folur për një nga keqardhjet e tij më të mëdha nga dy dekadat e drejtimit të Facebook, tani Meta.

Gjatë një podcast-i, ‘Acquired’, Zuckerberg pranoi se kishte bërë një ‘gabim që zgjati 20 vite’, duke marrë përgjegjësinë për probleme që ai mendonte se Meta nuk ishte përgjegjëse. Por, Zuckerberg, me një humor të freskët dhe një bluzë të re të dizajnuar prej tij, e filloi me deklaratën se kishte përfunduar me kërkimet e faljeve.

“Një nga gjërat për të cilat reflektoj me keqardhje është se besoj se kemi pranuar pikëpamjet e të tjerëve mbi disa çështje për të cilat ata na fajësonin, ndërkohë që unë nuk mendoj se ishim përgjegjës”, tha drejtuesi i Meta, sipas Platformer të Casey Newton.

“Kur bëhet fjalë për një çështje politike… ndonjëherë ka individë që veprojnë me qëllim të mirë, duke identifikuar një problem që kërkon zgjidhje, dhe ka të tjerë që thjesht kërkojnë dikë për të fajësuar,” shtoi ai.

Lexo edhe: Elon Musk është në rrugën e duhur për t’u bërë së shpejti trilioneri i parë në botë

Meta ka qenë shpesh në shënjestër të kritikave, përfshirë rolin e Facebook në nxitjen e dhunës etnike në Myanmar, skandalin e Cambridge Analytica, përhapjen e dezinformatave dhe ndërhyrjeve të huaja rreth zgjedhjeve, si dhe ndikimin e mediave sociale në shëndetin mendor të të miturve.

Zuckerberg ka dëshmuar dhe ka kërkuar falje para Kongresit disa herë.

“Sinqerisht, mendoj se duhet të kishim qenë më të prerë dhe të qartë se cilat çështje ishin nën përgjegjësinë tonë dhe cilat jo. Nëse IPO-ja ishte një gabim afatshkurtër, atëherë mendoj se keqinterpretimi i dinamikës politike ishte një gabim që zgjati 20 vite,” tha Zuckerberg gjatë podcast-it.

Zuckerberg tha se si rezultat, Meta ka rrugë për të bërë për të rehabilituar imazhin e saj.

“Besoj se do të na duhen edhe rreth 10 vite të tjera për të kaluar plotësisht këtë proces, përpara se marka jonë të rikthehet në nivelin ku ndoshta do të kishte qenë nëse nuk do të kisha gabuar në fillim”, shtoi ai.

Gjatë dy viteve të fundit, Zuckerberg ka punuar për të përmirësuar imazhin e tij, duke ndryshuar stilin personal, duke u bërë më i aftë fizikisht dhe duke e shfaqur një anë më të personalizuar në mediat sociale, shpesh me një sens humori dhe memesh vetëironike. Ai gjithashtu ka pasur përplasje me Elon Musk dhe ka deklaruar se nuk planifikon të përfshihet publikisht në politikë gjatë këtij cikli zgjedhor apo të mbështesë ndonjë kandidat.

“Ndjenja e sikletit dhe marrja e reagimeve negative për mënyrën si dukesha më bëri më të kujdesshëm dhe të menduar,” shkroi Zuckerberg në një postim në Threads në korrik. “Nuk është ende pika ime më e fortë, por po ndihem pak më rehat duke qenë vetja me kalimin e kohës.”

Ndërsa bashkëthemeluesi i Facebook ka hyrë në të 40-at dhe reflekton për dekadat e tij në krye të Facebook, një gjë është gjithnjë e më e qartë: Zuckerberg është në epokën e tij të pafalshme.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0