Çdo dhjetor në vitet e fundit, më rikthehet në mendje koha kur Jeremy Corbyn, atëherë lider i Partisë Laburiste opozitare në vendin tim të adoptuar, Mbretërinë e Bashkuar, citonte nga një fjalim për Vitin e Ri që kishte një tingull të njohur. “Ky vit do të jetë më i vështirë se viti i kaluar.” Fjalët e Corbyn-it më vinin në vesh familjare sepse ai po citonte Enver Hoxhën, udhëheqësin famëkeq komunist të vendit tim të lindjes, Shqipërisë, i cili shtonte: “Nga ana tjetër, do të jetë më i lehtë se viti tjetër.” Ky koment shkaktoi bujë, disa e panë si dëshmi se Laburistët ishin kthyer në një kult marksist, ndërsa të tjerë kritikuan mungesën e ndjeshmërisë ndaj traumave të hapura nga e kaluara komuniste e Shqipërisë.
Nën “xhaxhin Enver”, Shqipëria e pjesës më të madhe të fëmijërisë sime ishte një nga vendet më të izoluara në botë, e ndarë si nga Lindja “revizioniste”, ashtu edhe nga Perëndimi “imperialist”. Ajo jetonte në një kapsulë kohe, një realitet i ashpër i formësuar nga besnikëria, propaganda, survejimi dhe shtypja e mendimit ndryshe. Përceptimi i së ardhmes ishte i formuar nga mitet e kaluara për sakrifica heroike dhe vetë-mjaftueshmëri, të ngulitura në teori komploti për agresion të huaj të menjëhershëm.
Çdo Vit i Ri sillte paranoja të reja, mungesa të reja, masa disiplinore të reja, thirrje të reja për durim. Investimi i vetëm i qëndrueshëm që bënte shteti ishte në bunkerë. Si mund të krahasohej kjo me atë që po ndodhte në Perëndim?
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
