Indeksi i Çmimeve të Konsumit (CPI) në muajin Dhjetor 2025 u rrit në 120,9, duke shënuar një ndryshim vjetor prej 2,3%, një rritje e lehtë krahasuar me 2,1% që ishte një vit më parë. Ndryshimi mujor, krahasuar me Nëntorin 2025, ishte 0,7%, sipas të dhënave të publikuara nga INSTAT.
Mesatarja vjetore e çmimeve gjatë vitit 2025 qëndroi 2,2%, e njëjtë si një vit më parë. Rritja më e ndjeshme vjetore është regjistruar në grupin“Qira, ujë, lëndë djegëse dhe energji”, me një ndikim prej +0,96 pikë përqindje, duke ndjekur grupin “Ushqime dhe pije joalkoolike” me +0,56 pikë përqindje. Të tjera kontribuese ishin mobiljet dhe pajisjet shtëpiake (+0,16), hotelet, kafet dhe restorantet (+0,15), si dhe pijet alkoolike dhe duhani (+0,11).
Brenda grupit të ushqimeve, rritja më e lartë vjetore u regjistrua tek qumështi, djathi dhe vezët me 4,4%, ndjekur nga peshku dhe vajrat/yndyrnat me 3,8%, dhe mishi me 2,3%. Ndërkohë, fruta dhe perimet shënuan rritje modeste, përkatësisht 0,4%.
Lexo edhe: Ekskluzive/ Brenda tregut të “5 Majit”, lot, dëshpërim dhe miliona euro hi
Sa i përket ndryshimeve mujore krahasuar me Nëntorin 2025, grupi ushqime dhe pije joalkoolike u rrit me 1,1%, ndërsa qira, ujë, lëndë djegëse dhe energji shënuan rritje 0,9%. Argëtimi dhe kultura u rrit me 0,8%, ndërsa hotelet, kafet dhe restorantet, pijet alkoolike dhe duhani, si dhe mallrat dhe shërbimet e ndryshme u rritën secili me 0,4%.
Rritja më e madhe vjetore e çmimeve në Dhjetor është regjistruar tek energia, me 4,8%, ndjekur nga grupi argëtim dhe kulturë me 3,6%, dhe hotele, kafene dhe restorante me 2,6%. Kjo tregon se edhe pse inflacioni total mbetet relativisht i moderuar, disa sektorë specifikë vazhdojnë të ushtrojnë presion mbi çmimet.
Për herë të parë, duke filluar nga Janari 2026, përllogaritja e Indeksit të Çmimeve të Konsumit do të bëhet sipas klasifikimit të ri ECOICOP versioni 2, një standard ndërkombëtar që do të lehtësojë krahasimet dhe analizat.
INSTAT
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
