Mark Zuckerberg: “E ardhmja e Facebook nuk janë vetëm reklamat” » Business Magazine Albania – Media Dixhitale dedikuar Sipërmarrjes
Përditësuar së fundmi: 26/04/2019

Mark Zuckerberg: “E ardhmja e Facebook nuk janë vetëm reklamat”

Share
nga Anerola Torollari
Pri 26, 2019
Studied at Faculty of Science, Content Editor Biznesi at Business Magazine
lexo me teper >

Facebook po orientohet drejt shërbimeve të saj të blerjeve dhe pagesave për të nxitur rritjen në të ardhmen.

Në një takim me investitorët të Mërkurën, pas raportimit të fitimeve të tremujorit të parë të vitit 2019 që i kaluan pritshmëritë e Wall Street, Mark Zuckerberg paraqiti planet e kompanisë për të nxitur rritjen në të ardhmen.

Lexoni: Mark Zuckerberg: “Interneti ka nevojë për rregulla të reja. Le të fillojmë me këto 4 çështje.”

Zuckerberg shpjegoi se ndërsa reklamimi do të vazhdojë të jetë drejtuesi kryesor i të ardhurave, kjo do të pasohet nga planet e saj për e-commerce dhe pagesat.

“Është me të vërtetë një spektër i vazhdueshëm dhe nuk janë dy gjëra të ndryshme”, tha ai.

Facebook do të ndërtojë më shumë funksionalitete të lidhura me e-commerce në Instagram, Facebook dhe Facebook Marketplace dhe mjete që lejojnë njerëzit të blejnë produkte direkt përmes këtyre platformave. Ndërsa shumica e përdoruesve bëjnë blerje brenda aplikacioneve, markat dhe bizneset ka të ngjarë të blejnë më shumë reklama. Këto aplikacione gjithashtu do të bëhen më të vlefshme për këto biznese, gjë që i jep kompanisë më shumë mundësi për të rritur tarifat e reklamimit.

Instagram kohët e fundit ka krijuar një buton të ri checkout, i cili u lejon klientëve të blejnë me lehtësi produkte pa u larguar nga aplikacioni. Një grup analistësh nga Deutsche Bank vlerësuan se ky funksionalitet i ri mund të kthejë 10 miliardë dollarë të ardhura vetëm në vitin 2021.

Zuckerberg po krijon versionin perëndimor të WeChat

Zuckerberg njoftoi gjithashtu planet e tij për të zgjeruar mënyrat në të cilat klientët mund të paguajnë bizneset. Kjo do të përfshijë pagimin e kompanive drejtpërdrejt nëpërmjet platformës Facebook, si shërbimi i mesazheve, WeChat në Kinë.

Lexoni: E vërteta brutale rreth Mark Zuckerberg që askush nuk dëshiron ta pranojë

Nëpërmjet këtyre platformave do të realizohen dhe transaksionet për pagesat si dhe do të keni mundësi të mbani një marrëdhënie të vazhdueshme përmes Messenger dhe WhatsApp me bizneset.

Në planin afatshkurtër, Facebook planifikon të mbajë fee-në për pagesat shumë të ulëta ose falas tha ai. Por, kjo mund të ndryshojë në plan afatgjatë.

burimi: BI


Evente

Rikthehet TË RINJTË FLASIN!

Korrik 31, 2019
2 PM – 5 PM