Në një kohë kur makinat po lidhen gjithnjë e më shumë me internetin, prodhuesve të tyre u duhet t’i bëjnë ballë problemeve me të cilat industria e software-ve po lufton prej dekadash.
Sa më shumë të lidhura të jenë me internetin, qoftë përmes sistemeve të argëtimit apo mekanizmave të vetëdrejtimit, sikurse u publikua këtë javë nga “Ford”, “Volvo” dhe “Uber”, aq më të cënueshme makinat mund të bëhen.
Sipas ekspertëve, ja se çfarë mund t’i bëjnë piratët informatikë një automjeti të tillë:
1. Kyçet e dyerve mund të aktivizohen për të penguar hyrjen ose daljen.
2. Sistemi GPS mund të përgjohet për të gjetur vendndodhjen e shoferit, ose, në rastin më të mirë, t’i japë atij drejtime të gabuara.
3. Jastëkët e ajrit mund të aktivizohen për të penguar vështrimin e rrugës.
4. Ekrani i kilometrazhit mund të alternohet dhe ta çorientojë drejtuesin, duke bërë që ai të tejkalojë kufirin e shpejtësisë pa e kuptuar.
5. Motori i automjetit mund të përshpejtohet ose edhe të fiket fare.
6. Bateria mund të shkarkohet duke lënë ndezur sistemet e tjera, sërish pa e kuptuar drejtuesi.
burimi: top-channel
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
