Lulzim Syla: Elen është një “One stop shop” për çdo klient që dëshiron të investojë në kursim dhe të rrisë efiçiencën në energji - Business Magazine Albania

Lulzim Syla: Elen është një “One stop shop” për çdo klient që dëshiron të investojë në kursim dhe të rrisë efiçiencën në energji

Elen

Elen është kompani e specializuar në ofrimin e shërbimeve të projektimit, instalimit të sistemeve elektro-energjetike, energjisë së ripërtëritshme, këshillimeve teknike dhe zgjidhje në efiçiencë të energjisë. Elen është biznes familjar dhe operon në treg nga viti 1992. Duke përdorur dhe vlerësuar zgjidhjet teknologjike më të fundit të ofruara nga partnerët perëndimorë, Elen po pasuron dhe thjeshtëson format dhe mundësitë e bartjes së energjisë elektrike në mënyrë që ajo të përdoret kudo dhe në çdo kohë në mënyrë sa më efiçiente.

Lulzim Syla është partner menaxhues në kompaninë Elen dhe Elen GmbH në Gjermani, e specializuar në fushën e energjisë. Z. Syla është i angazhuar edhe në shumë projekte të tjera në fushën e energjisë dhe zhvillimit ekonomik. BusinessMag ju sjell këtë intervistë për t’u njohur më shumë me Elen, rrugëtimin e saj, sfidat, zgjerimin në tregun ndërkombëtar si dhe objektivat e saj.

  • Elen është e fokusuar në fushën e energjisë. Cili eshte rrugëtimi i saj? Si e nisët biznesin?

Biznesi ynë ka filluar si biznes familjar në vitin 1992 ndërsa tani jemi ne, gjenerata e dytë që kemi vazhduar aktivitetin me shumë pasion dhe përkushtim profesional për të arritur ku jemi sot.

Rrugëtimi ka qenë i vështirë duke pasur parasysh situatën në të cilat kemi kaluar si vend dhe shoqëri, por ja kemi dalë mirë me unifikim, sinqeritet e profesionalizëm para klientëve.

  • Cilat kanë qenë sfidat më të mëdha të kompanisë?

Nëse i referohemi Kosovës prej nga edhe vijmë si kompani, kemi kaluar nëpër situata të vështira sepse kemi qenë të okupuar nga pushteti serb e pastaj kaluam edhe luftën, por asnjë nga këto nuk na kanë ndalë së zhvilluari ambicien dhe synimin tonë.

Nëse i referohemi viteteve ’90 ka qenë sfidë e madhe të mendohet e të fillohet një biznes privat në kushtet dhe rrethanat që kanë qenë atëherë, por përkushtimi i madh në familje për të bërë dicka të mirë, na ka ndihmuar të tejkalojmë sfidat vit pas viti.

Sfidat kanë qenë nga gjetja e tregut e deri te gjetja e personelit adekuat, inxhinierëve, teknikëve etj, për të ndërtuar një kompani të mirëfilltë ku klienti gjen zgjidhjen e duhur në fushën e elektro-energjetikës dhe energjisë solare.

Edhe sot sfida kryesore mbetet burimet njerëzore në këtë fushë pasi universiteti dhe shkollat profesionale ende nuk prodhojnë mjaftueshëm kuadro dhe profile në funksion të zhvillimit të industrisë tonë.

  • Ju jeni zgjeruar dhe jeni tashmë në një treg ndërkombëtar? Cilat kanë qenë sfidat në këtë drejtim?

Elen tashmë operon në gjithë tregun e Gadishullit ilirik në Shqipëri, Kosovë, Maqedoni të Veriut dhe Mal të Zi. Gjithashtu kompania ka zyrat e saj edhe në tregun e Europës, përkatësisht në Gjermani, e cila mbulon tregun e Bashkimit Europian.

Lexo: Me 300 ditë diell në vit dhe kapacitet 1500 MW, Shqipëria mund të përqendrohet tek ENERGJIA SOLARE!

Gjithmonë si kompani jemi karakterizuar si ndërmarrje që sjell risi në treg dhe lider në fushën e zgjerimit në tregje të reja. Ka pasur sfida të mëdha në shtrirje në tregje të reja, por në anën tjetër përvoja 30 vjeçare, sinqeriteti dhe profesionalizmi në realizim të mbi 300 projekteve kapitale në gjithë rajonin ka bërë që besimi tek klientët tanë dhe në përgjithësi në treg të jetë shumë i lartë. Ky fakt na gëzon shumë dhe na jep përgjegjësi shtesë që të rrijmë pranë klientit me risi dhe shërbime mbështetëse.

  • Energjia solare dhe efiçienca janë kryefjala në fushën e energjisë. Ju e ofroni këtë në shërbimet dhe produktet tuaja. A mund të na thoni diçka më shumë? Si e keni realizuar këtë dhe a mund të bëjmë një krahasim me produktet e konkurrentëve që ndodhen në treg?

Na gëzon fakti që kemi qenë pioner në ofrim të shërbimeve në fushën e energjisë solare dhe tani me krenari themi që jemi lider për nga kapaciteti që kemi implementuar në fushën e energjisë solare dhe zgjidhjeve që kemi ofruar në fushën e efiçiencës së energjisë.

Si rezultat i përvojës së gjatë, ne sot ofrojmë një gamë të produkteve shumë kualitative dhe me efiçiencë të lartë në fushën e energjisë solare duke ofruar një zgjidhje strategjike dhe afatgjatë për një klient që investon në fushën e kursimit dhe prodhimit të energjisë.

Ne lirisht mund të themi, kemi produktet me efiçiencë shumë të lartë që na bëjnë të veçantë në treg me 30 vjet jetëgjatësi të paneleve solare dhe me një garanci prej 15 viteve gjë që na bën të veçantë dhe të sigurtë në atë çka ofrojmë.

  • Pse një klient duhet t’ju zgjedhë ju?

Klienti sot na zgjedhe neve, sepse ju ofrojmë një përvojë 30 vjeçare, ekspertizë mbi 300 projekte të realizuara në këtë fushë, ekspertizë në dhjetra MW projekte të realizuara në projektim dhe instalim.

Gjithashtu klienti ynë merr mbështetje edhe pas instalimit, me një fjalë jemi një “One stop shop” për një klient që dëshiron të investojë në kursim dhe të rrisë efiçiencën në energji.

  • Cilat janë objektivat tuaja në të ardhmen?

Kompania jonë synon që të mbetet lider në tregun rajonal në fushën e energjisë solare dhe efiçiencës në energji dhe ka plane për të ardhmen të zgjerojë aktivitetin e saj edhe në prodhim të produkteve që ndërlidhen me fushën e energjisë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0