Lufra: 25 vite në tavolinat e shqiptarëve - Business Magazine Albania

Lufra: 25 vite në tavolinat e shqiptarëve


Lufra, një nga kompanitë kryesore në tregun e produktet e qumështit, këtë vit shënoi një moment historik të rëndësishëm në udhëtimin e tij: 25 vjet në tavolinat e shqiptarëve. Festimet për këtë moment të veçantë sigurisht do të përfshijnë të gjithë klientët, punonjësit dhe partnerët e saj.

Ideja dhe realizimi i fushatës së komunikimit iu besua edhe njëherë McCann Tirana. Për këtë ngjarje të rëndësishme, agjencia kishte për detyrë të krijonte dhe të ndërtonte një fushatë të integruar të komunikimit.

Për këtë rast, u paraqit një qasje e re e markës me qëllim ngritjen e tonit të komunikimit, duke e veshur Lufrën si një tregimtare, një qasje që do të lejonte të tregonte historinë e saj nga këndvështrimi njerëzor. Kjo natyrisht lejoi futjen e Lufrës si një vajzë e re që jeton çdo ditë e lirë dhe autentike ndaj vlerave të saj, si një krijesë e bukur që e kthen udhëtimin e saj frymëzues në një histori që do të tregohet.

Mjeti kryesor i komunikimit, spoti televiziv, krijoi një histori të bazuar në konceptin e mësipërm dhe në të njëjtën kohë nënvizoi lehtë çdo faqe nga historia unike e kompanisë, që nga krijimi deri në ditët e sotme.

Me qëllim që mesazhi të jetë sa më i plotë dhe sa më afër klientëve, komunikimi i 25 vjetorit të saj u shtri edhe në krijimin e një logoje të dedikuar, si dhe një paketim të veçantë me një fokus të ripërtërirë në premtimin e cilësisë së vazhdueshme.

Fushata përfshiu radiot, mediat sociale dhe kanalet OOH.

/Mccann.a

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0