Lepuj dhe tigra të verbër: 10 shprehje që vërtetojnë se Jack Ma ka një pikëpamje të çuditshme për jetën


 

Jack Ma po e lë postin e tij si kryetar i Alibaba për një vit, por ne shpresojmë që ai të vazhdojë të frymëzojë njerëz me fjalët e tij të sinqerta dhe thëniet apo perlat motivuese.

Lexoni: Jack Ma, shpejt mësues i anglishtes. Ngre edhe fondacionin me emrin e tij

Ata që e njohin historinë e Ma, duhet të dinë dhe për karrierën e tij si mësues i anglishtes, gjë që ka ndihmuar në elokuencën e tij krahasuar me manjatët e tjerë të biznesit dhe 10 refuzimet e tij nga Harvard.

Nuk është çudi, pra, që komentet e tij gjatë viteve, qoftë duke ofruar këshilla për karrierë apo duke bërë gjykime të përgjithshme për jetën, shpesh kanë qenë aq argëtuese sa dhe frymëzuese.

Lexoni: Jack Ma: Profili i një sipërmarrësi me dështime

Këto janë 10 shprehje nga Jack Ma, në tema që varjojnë nga kapja e lepujve te qeveria, të cilat do t’ju pëlqejnë.

Leksion jete #1: Si të flasësh

“Vetëm budallenjtë përdorin gojën për të folur. Një njeri i zgjuar përdor trurin, dhe një njeri i mençur përdor zemrën.”

Leksion jete #2: Ndonjëherë e ke vetë në dorë

“Nëse je i varfër në moshën 35, e meriton.”

Leksion jete #3: Edhe njerëzit e pasur e kanë të vështirë

“Kur kemi para, ne bëjmë më shumë gabime.”

Leksion jete #4: Natyra e dashurisë

“Nëse konsumatori të do, edhe qeveria do të dojë.”

Leksion jete #5: Me kë të martohesh

“Asnjëherë mos bëj biznes me qeverinë. Duaje, por mos u marto me të.”

Leksion jete #6: Vizioni

“Unë e quaj veten një njeri të verbër, hipur mbi një tigër të verbër.”

Leksion jete #7: Alegoritë e kafshëve janë të rëndësishme

“Nëse janë nëntë lepuj në tokë dhe do të kapësh njërin prej tyre, fokusohu vetëm tek ai.”

Leksion jete #8: Qetësohuni dhe frenoni entuziasmin

“Kur njerëzit kanë një vlerësim të lartë për ty, përgjegjësia jote është të qetësohesh dhe të jesh vetvetja.”

Leksion jete #9: Duaji qaramanët 

“Mundësia qëndron aty ku janë ankesat.”

Leksion jete #10: Budallenjtë janë çelësi

“Njerëzit inteligjentë kanë nevojë për një budalla që t’i drejtojë. Kur ekipi është një grumbull shkencëtarësh, është mirë që një fshatar të udhëheqë rrugën. Mënyra e tij e të menduarit është ndryshe. Është më e thjeshtë të fitoni nëse ekipi juaj ka njerëz që shohin nga perspektiva të ndryshme.”

SCMP

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale