Jack Ma, shpejt mësues i anglishtes. Ngre edhe fondacionin me emrin e tij

Jack Ma, shpejt mësues i anglishtes. Ngre edhe fondacionin me emrin e tij


Personi më i pasur në Kinë, Jack Ma, po përgatitet të largohet nga Alibaba, kompania që ai bashkëthemeloi dhe ktheu në një forcë të jashtëzakonshme në tregtinë online.

Në një intervistë për Bloomberg, Ma thotë se po i kushton më shumë kohë dhe pasuri filantropisë, përmes një fondacioni me emrin e tij, me fokus edukimin. Kjo nismë e bën të ngjashëm atë me Bill Gates.

Lexoni: Si e ndërtoi Jack Ma gjigantin e internetit?

Ndonëse dha dorëheqjen si CEO në vitin 2013, ish mësuesi i anglishtes ka mbetur fytyra publike e kompanisë. Alibaba, e ndërtuar 20 vite më parë ka një vlerë tregu mbi 400 miliardë dollarë. Interesat e kompanisë janë shtrisë tashmë nga tregtia online, procesimi cloud dhe pagesat online tek prodhimi i filmave të Hollywood.

Për Bloomberg, ai thotë se, “Ka shumë gjëra që mund të mësoj nga Bill Gates. Unë nuk mund të jem kurrë aq i pasur, por një gjë që mund ta bëj më mirë është të tërhiqem më herët. Mendoj se një ditë, së shpejti, do t’i rikthehem mësimdhënies. Kjo është diçka që mund ta bëj shumë më mirë se sa të jem CEO i Alibaba”,

I pyetur nëse diçka e tillë mund të ndodhë këtë vit, miliarderi kinez u përgjigj duke buzëqeshur: “Do ta dini shumë shpejt. Kam përgatitur një Fondacion Jack Ma. Të gjitha këto gjëra i kam përgatitur prej 10 vjetësh”.

Lexoni: Pse miliarderi Masayoshi Son investoi për Jack Ma?

Ma u lind në Shtator 1964 në një familje muzikantësh tradicionalë në Hangzhou. Qyteti i lashtë u shndërrua në një nga qendrat botërore të teknologjisë së lartë edhe për faktin se Alibaba ndodhet atje.

Ai e nisi kompaninë Alibaba.com në vitin 1999, si një platformë business-to-business, mbështetur nga 60 mijë dollarë nga 18 bashkëthemelues.

Me disa marrëveshje të zgjuara dhe një investim nga SoftBank, platforma u shndërrua në gjigandin e sotëm të tregtisë online. Vitin e kaluar shpërndarja e pakove në një ditëarriti në 55 milionë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0