Kolë Gjoka, sipërmarrësi politikan në Gjermani

Kolë Gjoka, sipërmarrësi politikan në Gjermani


Beson shumë në potencialin e kombit të tij, të rinisë dhe të gjithë atyre që e duan atdheun. Është nga Mirdita dhe prej vitesh jeton në Gjermani, aty ku edhe ka ngritur biznesin e tij dhe po zhvillon së fundi karrierën e tij politike. Është shkolluar në Tiranë ku ka mbaruara Akademinë Ushtarake si dhe një tjetër universitet në Fakultetin e Shkencave të Natyrës.

Studimet e tij i ka thelluar më tej duke studiuar për Çështje Ushtarake në Pekin, si dhe për ekonomi në Gjermani. Për BusinessMag.al ai tregon se si arritjet e tij më të mëdha cilëson  përfshirjen në biznes dhe në politikën gjermane. Prej vitesh ai ka ngritur sipërmarrjen e tij Gjoka GmbH, biznes që merret me tregtinë e automjeteve.

“Ndoshta ishte një rastësi që zgjodha këtë biznes. Atëhere ky biznes nuk kërkonte shumë njohuri të gjuhës gjermane”.  Ai shprehet se për të nuk ka qenë e lehtë të krijojë biznes në një shtet të fuqishëm si  Gjermania, por me shumë përpjekje ia ka dalë mbanë. Por krahas sipërmarrjes së tij familjare, ai tregon për BusinessMag.al se është aksioner në dy kompani “Autohaus Elmshorn” dhe “May und Olde”, biznese koncensionarë të makinave Audi, Wolswagen dhe BMW.

Kolë GjokaKrahas jetës si sipërmarrës, ai prej disa vitesh i është përkushtuar edhe jetës politike në Gjermani, ku mban funksionin e nënkryetarit të CDU në Bashki, anëtar i kryesisë së CDU në Qark, nënkryetar i MIT në Qark, anëtar i kryesisë së MIT në Republikë si dhe anëtar i këshillit në Bashki.

Ëndrra e tij më e madhe është të jetë pjesë e Bundestagut Gjerman, post për të cilin ai është edhe kandidat. Kolë Gjoka mendon se dëshira për të qenë pjesë e krijimit të proceseve zhvillimore e ka shtyrë të merret me politikë në Gjermani. Ndërsa për politikën shqiptare shprehet se është akoma në procesin e stërzgjatur për të arritur pjekurinë.

Lexo:  Josif Grabocka, profesori i Inteligjencës Artificiale në Gjermani

Kur pyetet për dështimet dhe sukseset e tij jep një përgjigje shumë të matur:Dështimet dhe sukseset janë bashkëudhtarë të jetës. E rëndësishme është që pas çdo dështimi të gjesh forcë që të ringrihesh. Por, edhe pas çdo suksesi të mbetesh me këmbë në tokë”. Vetëbesimin këmënguljen dhe mbështetjen e familjes i cilëson si çelësin e suksesit.Besoni në vetvete, besoni në aftësitë tuaja. Të jeni gjithmonë vetvetja dhe të jeni krenar që jeni shqiptar”. Ky është mesazhi i tij për rininë e atdheut të tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0