Kina dyfishon qëndrimin e lirë pa viza për shqiptarët

Kina dyfishon qëndrimin e lirë pa viza për shqiptarët


Nëse dhe këtë vit nuk patët fat me llotarinë amerikane, hidhini njëherë sytë nga lindja.

Duke nisur nga dita e enjte, qytetarët nga 53 shtete të globit, përfshirë edhe Shqipërinë, mund të qëndrojnë në disa rajone për dyfishin e kohës së lejuar deri më tani pa aplikuar për një vizë.

Pekini, Tianjin dhe Hebei u shtohen rajoneve ku mund të qëndrosh për 144 orë, ose 6 ditë. Kjo do të thotë se çdo shqiptar që zgjedh të vizitojë rajonin e kryeqytetit mund të qëndrojë dhe të lëvizë lirshëm, vetëm duke aplikuar për një leje 144 orëshe në çastin që mbërrin në aeroport.

Tre jurisdiksionet u shtohen, Shangait, Zhejiang dhe Jiangsu, të cilët nisën të zbatojnë këtë politikë më herët gjatë vitit.

Megjithatë ka disa kushte për përfitimin e kësaj lejeje: ato përfshijnë të paturit e biletës së avionit drejt një shteti apo rajoni të tretë, në mënyrë që aeroporti i mbërritjes të konsiderohet tranzit.

Pra, biletat mund të jenë: Tiranë-Pekin-Tokio dhe Tiranë-Pekin-Shanghai, por nuk mund të jenë Tiranë-Pekin-Tiranë.

Bashkë me Shqipërinë, në listë përfshihen edhe vende europiane si: Maqedonia, Mali i Zi, Bosnje Hercegovina, Serbia, Kroacia, Rusia, Mbretëria e Bashkuar, Irlanda, Qipro, Bullgaria, Rumania, Ukraina, Bjellorusia dhe Monako.

/Scan

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0