AllWeb, konferenca e marketingut dixhital organizohet në një ditë, nga ora 09:00 – 18:00 dhe mbledh brenda saj folës të njohur ndërkombëtarisht, nga bota dhe rajoni. Prezantimet janë dinamike, me ritëm të shpejtë, larmi tematikash dhe panele në të cilat trajtohet e tashmja dhe e ardhmja e komunikimeve dixhitale dhe zgjidhjeve inovative.
AllWeb është organizuar dy herë në Shqipëri. Në Tetor të këtij vitit pritet të zhvillohet edicioni i 3-të. AllWeb Albania mirëpret folësit më të mirë nga e gjithë bota për të vënë në dukje mjedisin gjithnjë e në ndryshim të marketingut dixhital.
BusinessMag në këtë artikull ju sjell disa nga këshillat më të mira të folësësve të edicionit të kaluar.
“Nuk është produkti që ka rëndësi, është identiteti që ka rëndësi. Ju nuk jeni duke shitur një produkt, jeni duke shitur një histori, një filozofi.” – Heimo Hammer
“Nëse u besoni punonjësve dhe u jepni atyre liri për të bërë punën e tyre, ata do të bëjnë më shumë se kur punojnë 9 me 5.” – Anke den Ouden
“Çelësi është personalizimi. Jepuni klientëve atë që duan. Çdo klient dëshiron diçka të ndryshme.” – Peter Szanto
“Marketingu nuk ka të bëjë me shitjen, ka të bëjë me krijimin e marrëdhënieve.” – Ketan Makwana
“Nëse nuk lidheni me dhimbjen emocionale dhe pastaj të shpjegoni mundësitë për ta rregulluar atë, njerëzit nuk do t’ju besojnë.” – Ivan Brezak Brkan
“Dixhitalja nuk është një zgjidhje, është një mjet. Në fund, ajo që na mbetet është eksperienca e konsumatorit. ” – Enkelejd Zotaj
“Shumë gjëra që bëjmë në fushën e marketingut dixhital janë një mjet për një rezultat të caktuar. Por askush nuk flet në të vërtetë për rezultatin.” – Nathan Ott
“E mbani mend herën e fundit që keni parë një video në internet. Herën tjetër që krijoni një video, krijoni një video që ju vetë do ta shikonit.” – Darko Buldioski
“Nuk ekziston marketing dixhital. Është vetëm marketing. Këto janë kanale të ndryshme, mesazhi mbetet i njëjtë.” – Robert Petkoviq
“Arsyeja pse njerëzit duan të bëhen sipërmarrës nuk janë paratë. Natyrisht ata duan para. Por, më shumë se paratë, duan kontroll të plotë mbi atë që bëjnë.” – Paul Papadimitriou
Lexoni: Post AllWeb 2017 – BOTA E MARKETINGUT DIXHITAL
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
