Ma, një nga sipërmarrësit më të pasur dhe më të njohur të Kinës, hoqi dorë nga posti në ditëlindjen e tij të 55-të. Ai do të qëndrojë si anëtar i Partneritetit Alibaba, një grup prej 36 anëtarësh.
Ma, një ish mësues i anglishtes, themeloi kompaninë Alibaba në vitin 1999 për t’i lidhur eksportuesit kinezë me shitësit amerikanë.
Tani kompania ka zhvendosur fokusin e saj për t’i shërbyer tregut të konsumatorit në Kinë dhe është zgjeruar në online banking, argëtim dhe informatikë në internet. Alibaba gjeneroi 16.7 miliardë dollarë të ardhura në tremujorin e fundit në qershor.
Tregtia kineze me pakicë përballet me pasiguri mes një lufte tarifore që ka rritur koston e importeve nga SHBA-të.
Lexoni: Jack Ma: Nuk di asgjë për teknologjinë, por ja cili është çelësi i suksesit tim
Sasia e përgjithshme e mallrave të shitura nëpër platformat e tregtisë elektronike të Alibaba-së u rrit me 25% vitin e kaluar në 853 miliardë dollarë. Për krahasim, kompania më e madhe e tregtisë elektronike në SHBA, Amazon.com Inc., raportoi shitjet totale prej 277 miliardë dollarë.
Alibaba u themelua në një kohë kur pak kinezë përdornin internetin. Ndërsa përdorimi i internetit u përhap, kompania u zgjerua në pakicë dhe shërbime të përqendruara tek konsumatorët. Pak kinezë përdornin kartat e kreditit, kështu që Alibaba krijoi sistemin e pagesave në internet Alipay.
Raporti Hurun, i cili ndjek pasurinë e Kinës, vlerëson pasurinë e Ma në 38 miliardë dollarë.
Në vitin 2015, Ma bleu South China Morning Post, gazeta më e madhe në gjuhën angleze në Hong Kong.
Pasardhës i Ma si kryetar është Daniel Zhang, një ish-kontabilist dhe veteran 12-vjeçar i Alibaba-së.
Biznesit i tregtisë elektronike tek Alibaba përfshin edhe platformën Alibaba.com, e cila i lidh blerësit e huaj me furnizuesit kinezë të mobilieve, mallra të teknologjisë etj.
Alibaba gjithashtu ka hapur edhe studion e vet të filmit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English