Ja pse çdo sipërmarrës duhet të mundohet të bëhet monopolist
Përditësuar së fundmi: 02/10/2019

Ja pse çdo sipërmarrës duhet të mundohet të bëhet monopolist

Share
nga Eridon Elshani
Tet 02, 2019
-Manages Business Mag Kosovo -Studies Philosophy at University of Prishtina
lexo me teper >

Monopolet kanë marrë një reputacion të keq. Por një treg me vetëm një shitës nuk është gjithmonë diçka e keqe. Ndërsa është sigurisht e mirë për shitësin, për të cilin nuk ka "lojë" për të luajtur ose kundërshtarë për të mposhtur, nuk ka pse të nënkuptojë që konsumatorët të jenë të mashtruar apo se çmimet janë shumë të shtrenjta. Në fakt, ekzistojnë disa lloje monopolesh.

Për shembull, monopolet natyrore ndodhin kur është e pamundur për të tjerët të ofrojnë mallra konkuruese për shkak të kostove të larta të fillimit të biznesit. Shumica e formave të infrastrukturës konsiderohen monopole natyrore, pasi krijimi i një rrjeti të ri rrugor ose rrjeti energjetik, veçanërisht pasi tashmë ekziston një i parë, është tepër i kushtueshëm.

Lexoni: Kufjet AirPod i dhanë Apple fuqi gati monopoliste mbi përdoruesit

Reputacioni i keq i monopolit vjen kryesisht për shkak të shfrytëzimit të lidhjeve politike për të “hequr qafe” konkurencën në vend të të vepruarit si një sipërmarrje që krijon vlera dhe zgjidh probleme. Kjo rezulton në zhvatjen e pasurisë nga biznesmeni monopolist dhe politik. Por ndërtimi i një biznesi me të cilin asnjë sipërmarrës tjetër nuk mund të konkurojë, i bën mirë konsumatorëve, të cilët do të fitojnë më shumë nga sipërmarrësit e tjerë që hyjnë në tregjet e tjera, duke gjeneruar kthime më të mëdha në planin afatgjatë.

Këtu janë katër mënyra se si mund të shndërroni biznesin tuaj jo vetëm në një kryesues të tregut, por në një monopol të shëndetshëm.

  1. Krijoni vlera të pazëvendësueshme

Kjo mund të duket e qartë, por shumë sipërmarrës nuk arrijnë ta vendosin kënaqësinë e konsumatorit si qëllim kryesor të biznesit të tyre. Nëse krijoni më shumë vlerë për klientët tuaj sesa konkurentët tjerë – natyrisht që ju dilni fitues.

Lexoni: Si të ndryshosh një treg? 3 Njerëz mjaftojnë

  1. Ofroni zbritje

Nocioni që ju duhet të rrisni sa më shumë çmimin për produktet tuaja është një mit. Puna juaj si sipërmarrës është të gjeni një strukturë kostoje që ofron një fitim edhe nëse kërkoni një çmim relativisht të ulët.

  1. Prodhoni atë që konsumatorët nuk e dinë që e duan

Askush nuk e dinte që njerëzit donin një smartphone para se të ekzistonte një i tillë, ashtu si askush nuk e dinte se ata donin një automobil para se të ekzistonte një i tillë. Me fjalë të tjera, mos u përpiqni të prodhoni atë që klientët tuaj thonë se duan – prodhoni atë që mendoni se do të duan. Cilësia, siç thonë ata, do të tejkalojë pritshmëritë e një klienti. Mënyra më e mirë për ta bërë këtë është duke ofruar diçka inovative, pa të cilën ata nuk mund të jetojnë.

  1. Jini njeri parimor

Ekzistojnë dy mënyra për t’u bërë të suksesshëm: Ose bëhuni ju të mirë ose bëni të tjerët të duken më keq. Është e lehtë të joshesh për të përdorur mashtrimet dhe favoret për të mposhtur konkurentët, por kjo nuk është ajo çfarë sipërmarrja përfaqëson. Sipërmarrësit parimorë që ofrojnë vlera mbi gjithçka tjetër janë heronjtë e vërtetë të tregut.

Entrepreneur