Kufjet AirPod i dhanë Apple fuqi gati monopoliste mbi përdoruesit


Nga Nicky Woolf, gazetar

Kur Apple njoftoi në vitin 2016 se iPhone i saj i ri nuk do të kishte një vend për kufje, shpërtheu zemërimi te konsumatorët; nuk është çudi që shefi i marketingut i Apple Phil Schiller e përshkroi këtë vendim si një akt “guximtar”. Kompania nuk po u jepte klientëve të saj mundësinë për të zgjedhur midis kufjeve me tel dhe pa tel.

Shumica e prodhuesve më të mëdhenj të telefonave në botë bënë të njëjtën gjë, pavarësisht provave që konsumatorët e urrejnë kur nuk u jepet mundësia të zgjedhin midis kufjeve me dhe pa tel.

Lexo: AirPods cilësohen si të dëmshme për shëndetin e njeriut, ja pasojat…

Por arsyeja themelore e kësaj lëvizje të Apple është e dukshme për shumicën e vëzhguesve të Silicon Valley: Gjithçka ka të bëjë me paratë.

Kjo u vu në pah ashpër nga një analist i industrisë Dan Ivesi, cili tha për CBS në shtator se pritet që Apple të shesë 62 milionë palë AirPods në vitin 2019, duke gjeneruar 10-12 miliardë dollarë në shitje.

Kufjet pa tel tingëllojnë si një zgjidhje më elegante sesa ato me tel, megjithëse ato duken (le të jemi të sinqertë këtu) mjaft pa lidhje. Ato nuk funksionojnë si kufjet me tel: Sinjali mund të bjerë ose të pengohet nga sinjalet e tjera dhe ato mund të bien ose humbasin lehtë. Ato gjithashtu janë të shtrenjta.

Kjo, për Apple nuk është një problem – është një veçori. Silicon Valley është një vend ku krijohen mjedise gati monopole, në të cilat ata më pas mund të rrisin çmimet.

Kufjet me tel funksiononin mirë. Kjo mënyrë ju lejonte të bashkëngjisnit çdo palë kufje. Kufjet me tela ishin dhe janë mjaft të disponueshme dhe të lira. Ka kufje me wireless në treg – megjithëse vetëm AirPod-et e Apple janë në gjendje të lidhen menjëherë me një iPhone pa u ndezur – por ato nuk vijnë me kosto të ulët.

Për më tepër, siç shkroi Vice në muajin maj, ndërsa një palë kufjesh me tel mund të zgjasë me vite nëse kujdeseni për to, AirPods – të cilat nuk mund të riparohen – zgjasin vetëm 18 muaj para se bateria e tyre të degradohet. Ato janë gjithashtu të tmerrshme për mjedisin, sepse ndryshe nga kufjet me tel, AirPods përmbajnë bateri me litium dhe jon, të cilat janë të rrezikshme për t’u disponuar.

Nbcnews

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale