Ja cilat janë kompanitë që kanë përfituar fonde për kreativitetin dhe konkurrueshmërinë - Business Magazine Albania

Ja cilat janë kompanitë që kanë përfituar fonde për kreativitetin dhe konkurrueshmërinë


Agjencia për Zhvillimin e Investimeve shpalli emrat fitues të sipërmarrjeve që do të përfitojnë nga fondi i Konkurrueshmërisë dhe Kreativitetit ( Artizanatit). Për secilin fond janë shpallur nga tre fitues.

Kështu për Fondin e Konkurrueshmërisë, i cili u jep ndihmë financiare të drejtëpërdrejtë ndërmarjeve mikro, të vogla dhe të mesme, pati gjithësej 5 kompani aplikuese, por vetëm tre prej tyre fituan. Dy kompani ishin nga Tirana dhe një nga Shkodra, pjesë e sektorit të prodhimit. Shuma maksimale që mund të përfitojë një subjekt nga ky fond është 1,400,000 lekë.

Për periudhën 2016 – 2018, qeveria do të vërë në dispozicion në total 84 milionë lekë. Për secilin vit, shuma në dispozicion është 28 milionë lekë.

Qëllimi i fondit është të ndihmojë kompanitë shqiptare të depërtojnë me produktet e tyre në tregje të huaja, duke siguruar mbështetjen e nevojshme financiare për aktivitete që do të ndihmojnë në zbatimin e planit të tyre për eksport. Shuma maksimale që mund të përfitojë një subjekt është 1.4 milionë lekë dhe agjencia mbulon deri në 70%.

Rreth 50% e kësaj shume disbursohet në fillim dhe pjesa tjetër në fund. Mbulon një sërë aspektesh, duke filluar nga certifikimi ISO, konsulencën, materialet promovuese, pjesëmarrjen në panaire ndërkombëtare, trajnime të stafit dhe shërbime të tjera. Bizneset duhet të jenë për të paktën 2 vjet aktive dhe duhet të kenë bilanc pozitiv. Për periudhën 2014 – 2015 fondi në dispozicion i vënë nga qeveria u disbursua në masën 100%.

konkurrueshmeri

Ndërsa, për Fondin e Kreativitetit ose siç njihet ndryshe i Artizanatit, AIDA bën të ditur se të tre kompanitë që aplikuan u shpallën fituese. Ato ishin nga Tirana, Durrësi dhe Shkodra dhe operojnë në aktivitete të tilla si përpunimi metalit dhe qëndisje me dorë. Shuma maksimale që mund të përfitojë një subjekt nga ky fond është 500,000 lekë.

kreativitet

Në periudhën janar – tetor 2016 nga Fondet e AIDA-s janë asistuar mbi 152 kompani nga ku kanë përfituar 63  prej tyre, që iu përkasin sektoreve të ndryshem si: agro-përpunimi, plastika, druri ICT dhe fason tekstil, artizanat, turizëm në drejtim të promovimit të produkteve : “Made in Albania”.

 

/burimi: aida.gov.al 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0