Ja çfarë Richard Branson dhe Warren Buffett zbulojnë rreth markës personale - Business Magazine Albania

Ja çfarë Richard Branson dhe Warren Buffett zbulojnë rreth markës personale

markës personale

Nëse mendoni për Warren Buffett, cilat janë gjërat e para që ju vijnë ndërmend? Miliarder i bërë vetë? Një njeri fjalëpak, por ato që ai bën e kanë çuar në miliarder. Dikush që vesh kostume të shtrenjta që disi duken të lira. Një personalitet që ende jeton në të njëjtën shtëpi që bleu në 1958 për 31 500 dollarë.

“Orakëlli i Omaha” ka krijuar markën e tij personale si dikush që është me këmbë në tokë, i afrueshëm, konservator, i besueshëm, i qëndrueshëm dhe madje edhe riskues. Ai është “amerikani i zakonshëm” që mori disa vendime të zgjuara për investime në fillim të karrierës së tij: që “kushdo mund ta bëjë”. Ky është pozicionimi perfekt i markës personale për dikë që ka bërë një pjesë të madhe të pasurisë së tij duke bindur njerëzit e përditshëm të mbështesin investimet e tij.

Lexo: 4 zgjedhje në jetë i ndajnë ata që veprojnë nga ata që ëndërrojnë

Tani le të përqëndrohemi pak tek Richard Branson dhe të flasim për markën e tij personale. Nuk ndjek asnjëherë tufën, thënia e tij më e famshme është “Në djall le të vejë, ta bëjmë këtë”. Ai zotëron ishullin e tij privat, ka eksploruar hapësirën dhe madje ka shëtitur botën me një balonë. Marka personale e Richard dhe markat e të gjitha bizneseve që ai ka themeluar janë përqëndruar rreth një modeli tradicional të të bërit gjithçka, duke e hedhur atë pas krahëve dhe duke e zëvendësuar atë me diçka më efikase dhe jashtëzakonisht argëtuese.

Këta dy burra ilustrojnë strategjinë gjeniale të ndërtimit të një marke korporate nga personaliteti të themeluesit. Fatkeqësisht, shumica e kompanive, nga Fortune 100 deri tek startup-et, e kalojnë këtë hap jetësor dhe pastaj pyesin veten pse askush nuk e mban mend markën e tyre.

Në thelb, një markë e shkëlqyer është një personalitet për një biznes. Kur kjo strategji nuk është e përshtatshme, gjëja e rëndësishme është të ndërtojmë një markë që është e mbushur me personalitet. Ishte Aristoteli ai që në mënyrë të përsëritur thoshte ne jemi ajo që bëjmë, që do të thotë që çdo veprim që bëjmë, çdo ndërveprim që kemi, çdo pjesë e marketingut që ne aprovojmë thotë diçka për ne, markën tonë personale dhe markën e bizneseve që ne drejtojmë.

Vendndodhja fizike e zyrës suaj, në një ndërtesë të mrekullueshme shumëkatëshe në pjesën më të kërkuar të qytetit, ose e vendosur në një qendër biznesi të izoluar, flet shumë se kush janë klientët tuaj, dhe kush dëshironi të jenë. Nga makina që ngasim tek mënyra se si asistenti ynë përgjigjet në telefon, të gjitha flasin me zë të lartë për atë që jemi.

Ndërtimi i markës ka të bëjë me vendimin strategjik për atë që ju dhe kompania juaj dëshironi të njiheni dhe më pas ekzekutimin e këtij vendimi për të krijuar qëndrueshmëri dhe besim. Për shembull shikoni Elon Musk.

Pra cilat janë disa nga mënyrat më të mira për të ndërtuar markën tuaj personale si CEO?

Si gjithmonë, filloni me strategjinë duke kuptuar arsyen pse dëshironi të njiheni. Është një pyetje e thjeshtë me një milion mundësi të ndryshme.

Lexoni: Këshilla e Warren Buffet në 1999-n se si bëhen 30 miliardë dollarë, vlen edhe sot

Më pas pyesni: Për çfarë dua të njihet biznesi (et) e mia? Kujt po i shërbejmë? Po aq e rëndësishme, kujt nuk po i shërbejmë?

Aty ku ndahen këto dy përgjigje është vendi ku fillon udhëtimi juaj personal për ndërtimin e markës tuaj.

Pavarësisht nëse jeni CEO i një Fortune 100 apo një startup i ri, ndërtimi i markës suaj personale është njësoj si arsimi juaj universitar, një investim në veten tuaj që e merrni me vete kudo që të shkoni. Nëse jeni një sipërmarrës, marka juaj personale është marka që ankoron markat e bizneseve tuaja të tjera. Nëse jeni CEO, marka juaj personale është ajo të cilën media shikon, punonjësit tuaj ju njohin dhe Bordi i Drejtorëve e di se mund të mbështeten.

Gjëja më e keqe që mund të bëni është të pretendoni se nuk keni një markë personale. Të gjithë e kemi një. Tani pyetja është: A do të lejoni që marka juaj personale të ndodhë rastësisht? Apo do ta merrni “demin nga brirët”, si Warren Buffett dhe Richard Branson?

/Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0