Pra çfarë bëni ju?
Ekspertët e gjumit tregojnë strategjitë më të mira për të fjetur gjumë ndërkohë që ndiheni të shqetësuar për punën tuaj.
1. Largohuni nga krevati
Kjo mund të duket kontradiktore, por të qëndrosh në shtrat kur nuk ke gjumë është gjëja më e keqe që mund të bëni, thonë ekspertët.
“Quhet kontrolli i stimulit,” tha Dr. Raj Dasgupta, një fizikant i cili është specializur në mjekësinë pulmonare dhe atë të gjumit në Universitetin e Kalifornisë së Jugut.
“Kur nuk qetësoheni dot mendërisht, ju duhet të largoheni nga shtrati 15-20 minutat e para se të shkoni për të fjetur,” ka thënë ai.
Nëse qëndroni në shtrat, “trupi nuk do të jetë në gjendje të lidh shtratin me gjumin.”
2. Lexoni ose ngjyrosni një libër
Çohuni nga shtrati dhe bëni diçka relaksuese që kërkon energji minimale, si për shembull leximi apo vizatimi, thotë Dr. Philip Gehrman, fizikant dhe profesor psikatrie në Univesitetin e Pelsivanisë Perelman School of Medicine.
Bashkë-themeluesi i Microsoft Bill Gates lexon një orë çdo mbrëmje përpara se të bjerë në gjumë.
Ndërkohë që shumë specialistë të gjumit i këshillojnë njerëzit të shmangin dritën e televizorit gjatë natës, Dr. Gehrman thotë se të shohësh një shfaqje relaksuese në televizor kur ai është disa cm larg nga ju atëherë kjo nuk përbën problem. Por të shohësh video në iPhone e bën më të vështirë të bini në gjumë, sepse drita afër syrit tuaj është shumë stimuluese.
3. Stërvituni çdo ditë nga 20 minuta
Njerëzit të cilët stërviten 150 minuta çdo javë, ose rreth 20 minuta çdo ditë, flenë më mirë se ata që nuk stërviten dhe sipas një studimi këta të fundit janë më shumë se 2500 njerëz.
“Bëni ushtrime,” thotë Dr. Dasgupta. “Kur jeni të stresuar, kjo gjë iu ndihmon vërtet.”
Richard Branson thotë se stërvitja e përditshme e ka dyfishur produktivitetin e tij. Përveç se do të flini më mirë, stërvitja do t’iu ndihmojë të rrisni kreativitetin dhe të jeni më të mprehtë.
4. Caktoni një rutinë gjumi
Mos hani para se të flini gjumë sepse kjo shkakton acidin refluks dhe një gjendje jo të mirë të stomakut.
Jepini kohë vetes të kryjë proçesin e tretjes. Edhe pse një gotë verë mund t’iu bëj të ndiheni të lodhur, duhet të dini se alkoli shkakton një gjumë jo të rehatshëm.
Duhet të krijoni një rutinë relaksi. Yoga, meditim, ngjyrosje apo relaksim të muskujve, teknika këto të cilat rekomandohen nga ekspertët.
Shmangni aktivitetet që ju emocionojnë, si për shembull të shihni lajmet apo një film aksion me skena të dhunshme. Siç rekomandon dhe Arianna Huffington mbajeni iPhone-in larg shtratit tuaj.
/CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
