iPhone i Apple ka humbur magjinë e tij


Thuajse 12 vjet më parë, Steve Jobs u ngjit në skenën e MacWorld dhe zbuloi iPhone, si një produkt revolucionar dhe magjik. Suksesi i tij i jashtëzakonshëm e vërtetoi këtë.

IPhone mbijetoi dhe lulëzoi pavarësisht krizave financiare të vitit 2008 dhe një listë e gjatë me smartphone më të lirë dhe imitime, rrjedhimisht e ndihmoi Apple të bëhet kompania më me vlerë në botë.

Por sot, duket se iPhone ka humbur magjinë e tij.

CEO Tim Cook i paralajmëroi investitorët me një letër se kompania pret shitje më të pakta për periudhën e pushimeve për shkak të shitjeve të ulëta të iPhone. Cook tha se rënia fillimisht erdhi nga Kina, e cila po përballet me një ekonomi të paqëndrueshme dhe në një luftë tregtare të vazhdueshme me Shtetet e Bashkuara. Por analistët e kanë analizuar më herët problemin e iPhone.

Një e treta e problemit vjen nga vendimet e Apple për të rritur çmimet e të gjithë linjës së iPhone, me modele të shumta të cilat arrijnë vlerën 1,000 $. Për këtë arsye shumë njerëz zgjedhin të mbajnë iPhone-nin e vjetër, dhe nuk blejnë modelet e fundit.

Apple është bërë më i ndjeshëm ndaj trendeve negative makroekonomike të sotme se sa mund të ketë qenë vite më parë. Analistët parashikojnë “dobësi të mëtejshme” ndaj shifrave të shitjeve të Apple në këtë vit të ri fiskal.

Për investitorët, lajmi ishte një zgjim i vrazhdë. Aksionet e Apple ranë 9% gjatë natës, duke e shtyrë vlerën e tregut të kompanisë poshtë Microsoft, Amazon dhe Alphabet.

Në dekadën e rritjes së shpejtë të shitjeve të iPhone, Apple u përpoq t’i bëjë klientët të paguajnë më shumë për çdo pajisje, duke nisur nga 1,000$ për iPhone X në 2017 dhe iPhone-in e ri XS dhe XS Max vitin e kaluar, me kosto 1,449 $.

Megjithatë, iPhone mbetet kryesori i Apple, duke llogaritur për gati 60% të shitjeve totale të Apple në tremujorin e shtatorit. Deri më tani, Apple ende nuk ka gjetur një tjetër produkt revolucionar dhe magjik për ta mbushur këtë rol.

“iPhone është shumë i madh për t’u zëvendësuar nëse linja e këtyre produkteve nuk do të ketë shitje,” tha Chris Caso, analist pranë Raymond James. “Nëse iPhone-ët aktualë nuk shiten, duhet të pyesim çfarë do të ndodhë nëse gjenerata e ardhshme nuk do të sjellë më modele të fuqishme.”

/CNN

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale