Nëse jeni përdorues i Instagramit, mund të keni vënë re se aplikacioni tanimë në pronësi të Facebook po i nxit përdoruesit të krijojnë llogari të reja.
Vitin e kaluar, Instagram lançoi një pop-up që inkurajonte përdoruesit të “provonin një llogari të re”, ky njoftim thotë se kjo do t’i ndihmojë njerëzit të ruajnë një grup më të vogël miqsh dhe të eksplorojnë më lehtë interesat e tyre.
Pop up-i mund të gjendet kur mbani shtypur ikonën e profilit ose kur klikoni tek emri i përdoruesit të profilit dhe prej andej, mund të krijohet një llogari e dytë pa dalë nga llogaria ekzistuese. Raporti i Wall Street Journal vë në dukje se ju madje mund të lidhni llogaritë që do të thotë se llogaria e dytë do të jetë vetëm një zgjatim i llogarisë së parë ose do ta trajtoni atë si një llogari të veçantë, e cila është e ngjashme me mënyrën se si krijohen profile të reja në Netflix.
Ekspertët besojnë se kjo lëvizje e Instagram për të inkurajuar përdoruesit për të krijuar një llogari të dytë është e dobishme për disa, pasi njerëzit të cilët drejtojnë aktivitete dhe biznese mund të mos preferojnë të ndërveprojnë me miqtë dhe të njohurit e tyre duke përdorur ato llogari. Instagram gjithashtu dëshiron që përdoruesit të përditësojnë interesat dhe pëlqimet e tyre në llogarinë e re, veçanërisht pas paraqitjes së reklamave në këtë platformë. Nga ana tjetër, arsyeja mund të jetë dhe strategji e aplikacionit për të rritur numrin e përdoruesve.
Së fundi, ndërsa Instagram dëshiron që përdoruesit të krijojnë një llogari tjetër për ta në aplikacion, rrjeti social Facebook e ndalon rreptësisht këtë gjë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
