Industria e bukurisë do të humbë 175 miliardë dollarë të ardhura për shkak të COVID-19

Ndërsa pandemia COVID-19 vazhdon të dëmtojë botën, çdo industri, kompani dhe biznes po mëson ngadalë t’i përshtatet sjelljes së re të konsumatorit. Industritë që më parë gëzonin rritje të qëndrueshme në të gjithë botën, tani po përballen me sfida të reja. Bukuria dhe kujdesi personal është një industri e tillë, pasi pritet të tkurret për herë të parë në më shumë se një dekadë.

Sipas të dhënave nga Fraicheur, sjellja e konsumatorit ka ndryshuar ndjeshëm, pasi përdorimi i produkteve të bukurisë ka rënë: 90% e grave deklarojnë se përdorin pak ose aspak produkte kozmetike, ndërsa punojnë nga shtëpia. Shpenzimet e konsumatorëve për produktet me pakicë të bukurisë po përjetojnë gjithashtu një rënie të konsiderueshme (deri në 20%), duke çuar në një humbje të paparë të parashikuar në 175 miliardë dollarësh në të ardhura për industrinë.

Lexoni: 7 muaj në pandemi, motivimi po vyshket

Rritja e vazhdueshme ka qenë simboli i industrisë globale të bukurisë. Në fakt, ajo ka qenë aq elastike ndaj trazirave ekonomike saqë kriza financiare e viteve 2007-2008 pati vetëm një ndikim të vogël në të ardhurat e përgjithshme. Megjithatë, një krizë globale pandemike dhe shëndetësore duket se ka një ndikim dukshëm të ndryshëm në sektorë të caktuar.

Ndryshimi i zakoneve të konsumatorit zvogëlon të ardhurat për pothuajse të gjitha produktet e bukurisë

Pandemia COVID-19 duket se ka ndryshuar shumë sjelljen e konsumatorit. Ndërsa puna nga shtëpia dhe aktiviteti social i reduktuar ndjeshëm po bëhet normalja e re, duket se ka më pak arsye për të blerë produkte për bukurinë dhe kujdesin e lëkurës. Rutinat e bukurisë janë duke u drejtuar drejt përdorimit më të pakët të produkteve kozmetike, pasi një pjesë e madhe e konsumatorëëve po punojnë nga shtëpia.

Çdo tendencë duket se vërteton parashikimet e McKinsey: një humbje e madhe e pritshme në të ardhurat vjetore për industrinë e bukurisë.

Për herë të parë në dekada, duket se suksesi afatgjatë i industrisë së bukurisë është tronditur. Si mund të rimëkëmbet më shpejt? A është e nevojshme pritja për tremujorin e parë të vitit 2022? Përgjigja jonë qëndron në dixhitalizimin e industrisë.

Zhvendosja në internet mund të ndihmojë në rimëkëmbje

Shumica e industrive po e përqendrojnë punën e tyre në internet. Edhe industria e bukurisë po ecën përpara. Për fat të keq, konsultat personale përbëjnë një pjesë të madhe e procesit të shitjeve. Zhvendosja e konsultave në internet ose heqja e tyre plotësisht është e detyruar të krijojë sfida dhe çështje të reja. Aspekte të tjera kryesore të bukurisë siç janë testuesit e aromave përbëjnë vështirësinë e dixhitalizimit të shitjeve.

Lexoni: Si pandemia i ktheu financat si një film shkencor dhe horror

Megjithatë, inovacioni në hapësirën dixhitale është mënyra e vetme për të shpejtuar rimëkëmbjen. Ndërsa konsumatorët po orientohen drejt blerjeve në internet, aktorët e industrisë së bukurisë raportojnë se shitjet e tyre online u dyfishuan, madje u trefishuan.

Mbi një e treta e konsumatorëve deklarojnë se ata do të vazhdojnë të blejnë në internet produkte bukurie pasi pandemia të mbarojë dhe dyqanet me pakicë të rihapen. Në një industri të krijuar me sfida të tregtisë elektronike dhe një preferencë të madhe për shitjet personale (shitja me pakicë para-COVID përbënte më shumë se 70% të të gjitha blerjeve), risitë në sferën dixhitale mund të sigurojnë ndihmë të konsiderueshme dhe të ndihmojnë në rikuperimin e sektorit më shpejt.

COVID-19 e vendosi industrinë e bukurisë në një ngërç. Puna në internet është bërë një domosdoshmëri në një industri ku produktet kërkojnë ndërveprim dhe konsumatorët preferojnë konsultime personale. Shitësit dhe prodhuesit tani kanë një qëllim: inovacionin. Përcaktimi i një zgjidhjeje të zgjuar që do të tërhiqte klientët, të rinj dhe të vjetër, do të ishte zgjidhje për ata që shpresojnë për një rimëkëmbje të shpejtë.

Fraicheur