Industria automotive, Civici: Shans i mirë për thithjen e investimeve të huaja


Ekonomia shqiptare orientohet gjithnjë e më shumë drejt bizneseve të mëdha me më shumë se 50 të punësuar. Gjatë vitit 2018 këto ndërmarrje zunë 42,3% të të punësuarve, duke dhënë kontributin më të madh të shitjeve.

Me incentivimin e industrisë automotive, Qeveria synon t’i japë një hov zhvillimi këtij sektori, që për ekspertët e ekonomisë vlerësohet si një instrument pozitiv që mund të rindezë motorët e ekonomisë.

“Investimet janë të një natyre cilësore, pra nuk është bazik si i industrisë së fasonëve. Kjo do ta bëjë ekonominë më cilësore dhe më dinamike, kështu që në këtë pikë është një masë e mirë dhe vlerësuese”, thotë Adrian Civici, ekspert për ekonominë.

Lexo këtu: Dhoma Amerikane e Tregtisë kërkon të ulet korrupsioni dhe taksat

Sipas Civicit, zhvillimi i kësaj industrie do ta bënte Shqipërinë konkurruese përballë vendeve të rajonit, që rezultojnë më tërheqëse për investimet e huaja dhe ofrojnë subvencione të shumta, veçanërisht në këtë sektor. “Si mesazh ishte shumë i mirë, pasi kjo lloj industrie është në zgjerim, sidomos në Ballkan. Dhe fakti që pas saj janë kompanitë më të mëdha në botë përveç se hap disa vende pune të integron në një treg shumë të madh, siç është tregu i automobilave”, thotë Civici.

Incentivat fiskale për industrinë automotive kanë hyrë në fuqi që prej 1 janarit të këtij viti dhe parashikojnë reduktimin e shkallës së tatim fitimit në 5%, nga 15% që është për bizneset e tjera. Krahas reduktimit të normës së tatim fitimit, një tjetër lehtësi është mbartja e humbjeve për një periudhë 5-vjeçare për tatimpaguesit, që investojnë në projekte biznesi me vlerë mbi 1 miliardë lekë.

A2CNN

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale