Honda dhe kompania mëmë e Google, Alphabet, janë në bisedime formale për të zhvilluar makina autonome, bëri të ditur ditën e Enjte prodhuesi i shquar japonez i makinave.
Produkti i kësaj marrëveshje do të jetë makina Waymo e Google, një projekt ky i ribranduar disa herë nga gjigandi i motorrit të kërkimit.
Marrëveshja më e fundit synon që të adresojë koston e lartë të zhvillimit të një software të automatizuar dhe bashkëpunimi mes një firme teknologjike dhe prodhuesi makinash është pikënisja e duhur.
Megjithatë Honda hodhi poshtë pretendimet se angazhimi i kompanisë me Waymo do të linte pas dore projektin e saj të makinave të automatizuara. Në Qershor Honda zbuloi makinën e parë prototip plotësisht e automatizuar, e cila do të hyjë në qarkullim pas 4 vitesh.
Nëse marrëveshja finalizohet, inxhinierët e Honda dhe të Silicon Valley do të punojnë së bashku për të integruar software-in e Waymo siç ka bërë Google në të kaluarën me makinat Pacifica të Fiat Chrysler.
Partneriteti me prodhuesit e tretë më të madh në Japoni do t’i jepte Google avantazhin ndaj konkurrentëve në teknologjinë e makinave të automatizuara. Që nga 2009, kompania ka zhvilluar software dhe sensorë për makinat autonome.
burimi: CIO
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
