Hapen thirrjet për aplikime në edicionin e dytë të “Startup City”


Vjen për të dytin vit radhazi eventi Startup City, një event i cili do të mbështesë çdo të ri që ka një ide të mirë biznesi.

Vitin e kaluar morën pjesë 15 ide biznesi. Në tre ditë intensive pjesëmarrësit patën mundësi të njihen me mentorë, të cilët vinin nga fusha e sipërmarrjes dhe akademisë. Në tre ditë intensive të rinjtë patën mundësi të krijonin network dhe mbi të gjitha të merrnin më shumë njohuri, të cilat ju erdhën në ndihmë si për përgatitjen e prezantimit për ditën finale, por edhe për njohuri, të cilat u krijuan një dimension tjetër mbi idenë e tyre të biznesit.

Këtë vit, eventi do të organizohet në datat 28-29-30 Qershor 2019.

Për idenë më të mirë të biznesit çmimi që do të shpërndahet është në vlerë monetare, 100 000 lekë të reja. Për më tepër për 2-3 përfaqësues të disa prej startup-eve do të ofrohen mundësi internshipi në disa nga kompanitë, të cilat kanë qenë në mënyrë të vazhdueshme përkrahës të këtij eventi.

Afati i fundit i aplikimit është data 31 Maj 2019.

Kush mund të aplikojë? Çdo i ri, i cili ka një ide të mirë biznesi dhe që ka dëshirë ta çojë përpara këtë ide.

A mund të aplikojë në grup? Ju mund të aplikoni në mënyrë individuale ose në grup.

Tarifa e aplikimit: 15 euro për aplikimet individuale dhe 10 euro personi për aplikimet në grup.

Nëse edhe ju jeni një i ri, i cili ka një ide të mirë të biznesi ju ftojmë që të mos humbisni kohë, por të aplikoni në linkun në vijim: http://bit.ly/2O0RsHY

Për çdo pyetje mund të shkruani në: [email protected]

“Ndërto ëndrrën tënde është momenti yt!”

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale