Fjalori ynë mund të formësojë mënyrën se si e shohim veten dhe botën përreth. Sipas psikologëve, mënyra se si gratë flasin me veten e tyre mund të ketë një ndikim të madh në lumturinë e tyre. Studimet nga ekspertë të njohur tregojnë se një ndryshim i thjeshtë, por i fuqishëm në gjuhë, mund të përmirësojë ndjeshëm mirëqenien emocionale.
Pse disa fjalë krijojnë një kurth mendor
Disa fjalë në fjalorin tonë vendosin pritshmëri të ngurta për veten dhe të tjerët. Për shembull, shprehje të zakonshme si “Do duhej ta kisha bërë më mirë” ose “Më duhet të jem më e suksesshme” pasqyrojnë një presion të madh, që shpesh bëhet i papërballueshëm. Sipas psikologut të njohur Dr. Vlad Beliavsky, këto lloj shprehjesh na bëjnë të ndihemi të zhgënjyer, pasi jeta rrallëherë zhvillohet sipas pritshmërive tona të përpikta. Ky mospërputhje e vazhdueshme mund të shkaktojë ndjenja faji dhe frustrimi. Faktorët shoqërorë dhe kulturorë e përforcojnë këtë problem. Gratë, që në moshë të re, përballen me presione të mëdha shoqërore – nga kërkesat për përsosmëri deri te standardet joreale të bukurisë. Këto presione të jashtme bëhen pjesë e mendimeve të tyre, duke u shndërruar në një gjuhë të vetëkritikës. Pasojat shkojnë përtej stresit mendor. Studimet tregojnë se modelet negative të të folurit mund të shkaktojnë përgjigje stresuese në trup, duke përfshirë lirimin e kortizolit, hormonit të stresit. Me kalimin e kohës, kjo mund të ndikojë si në shëndetin mendor, ashtu edhe në atë fizik, duke krijuar një cikël ankthi dhe pakënaqësie.
Lexo edhe:Psikologët: “Shtatë gjëra që njerëzit e suksesshëm nuk i bëjnë pas pune”
Zëvendësimi i “duhet” me një gjuhë më fuqizuese
Psikologët rekomandojnë të zëvendësojmë fjalën “duhet” me një gjuhë më fleksibile dhe të mbushur me vetëdhembshuri. Për shembull, në vend që të thuash “Do duhej ta kisha bërë më mirë”, provo të thuash “E bëra më të mirën, duke pasur parasysh rrethanat”. Kjo qasje e re e riformulon situatën, duke u fokusuar në përpjekjen, dhe jo në dështimin e perceptuar. Të kuptosh dhe të pranosh kufizimet e tua është thelbësore për rritjen dhe qëndrueshmërinë emocionale. Gratë që kanë përgjegjësi të mëdha mund të përfitojnë shumë nga heqja e fjalës “duhet”, duke dalë nga ciklet e dyshimit ndaj vetes dhe duke ndërtuar më shumë besim.
Nëse je gati ta lësh pas këtë zakon, ja tri strategji që mund të të ndihmojnë:
-Vlerëso arritjet e tua – Në vend që të mendosh për atë që “duhej” të kishe bërë, festo atë që ke arritur. Mbajtja e një ditari me sukseset e vogla të përditshme mund të të ndihmojë të përqendrohesh te pozitiviteti.
– Rrethoje veten me mbështetje – Krijo një rrjet njerëzish që të motivojnë dhe të inkurajojnë. Marrëdhëniet pozitive ndihmojnë në ndërtimin e modeleve më të shëndetshme të të menduarit dhe të të folurit.
– Ushtro reflektimin e ndërgjegjshëm – Merr kohë për të menduar për qëllimet dhe progresin tënd. Ushtrimet e ndërgjegjësimit (mindfulness) mund të të ndihmojnë të mbetesh e përqendruar dhe ta vlerësosh rrugëtimin tënd pa gjykim.
Fjalët që përdorim kanë një ndikim të madh në emocionet tona. Ato formojnë mënyrën se si e shohim veten dhe si përballemi me sfidat e jetës. Duke hequr “duhet” nga fjalori i përditshëm, mund të ndërtosh një mendësi më të shëndetshme dhe më të lumtur. Ndonjëherë, ndryshimet më të vogla në gjuhën tonë mund të sjellin transformime të mëdha në jetën tonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
