Google lançon programin për blerje online duke konkuruar kështu me Amazon


Google ka prezantuar Shopping Actions, një iniciativë e re që ka për qëllim të ndihmojë shitësit të kryejnë transaksione nëpër kanale të ndryshme, duke krijuar një eksperiencë të lehtë blerjesh për konsumatorët dhe, nga ana tjetër, rrit shitjet, sipas një postimi të kompanisë.

Programi ka dalë në SHBA dhe të gjithë shitësit me pakicë janë në gjendje të marrin pjesë, ndërsa Google merr një përqindje të çdo shitjeje të bërë përmes programit.

Veprimet e blerjeve u mundësojnë shitësve që të arrijnë në mënyrë të përsosur konsumatorët nëpër kanale.

Të gjithë përdoruesit mund të ruajnë mënyrat e pagesës me kredencialet dhe të bëjnë blerje online, në kërkimet Google, Google Assistant dhe shërbimin Google Express.

Google thotë se partnerët e hershëm si Target dhe Walmart kanë patur sukses me programin. Partnerë të tjerë përfshijnë Home Depot, Costco dhe Ulta, raporton Reuters. Partnerët që përdorin Shopping Actions kanë parë që madhësia mesatare e shportës është rritur me 30% dhe ‘conversions’ janë rritur për më pak kosto kur krahasohen vetëm me reklamat e Google Shopping. Sidoqoftë, mbetet të shihet nëse markat më të vogla dhe shitësit me më pak përzgjedhje produkti dhe konsumatorë do të kenë rezultate të ngjashme.

Motorrët e kërkimit janë kërcënimi më i madh për Amazon në gjetjen e produkteve dhe Shopping Actions mund të ndihmojë më shumë shitësit për të konkurruar më mirë me Amazon. Motorrët e kërkimit po prekin drejtimin e Amazon dhe Shopping Actions mund të ndihmojë shitësit me pakicë të drejtohen më mirë përmes motorrit më të madh të kërkimit.

burimi: BI

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale