Google Drive së shpejti do t'ju lejojë të ruani të gjithë dokumentat e kompjuterit tuaj » Business Magazine Albania – Media Dixhitale dedikuar Sipërmarrjes
Përditësuar së fundmi: 20/06/2017

Google Drive së shpejti do t’ju lejojë të ruani të gjithë dokumentat e kompjuterit tuaj

Share
nga Fiorela Jaupi
Qer 20, 2017
Studied at Faculty of Economy, Master of Science in Marketing. Content Editor at Business Magazine Albania
lexo me teper >

Mjeti i ri i Google do ta bëjë Drive edhe më të dobishëm.

Google Drive është gati të jetë ‘përgjigjia’ për të gjitha nevojat për ruajtjen e të gjithë materialeve në kompjuterin tuaj dhe jo vetëm skedarët që krijoni dhe ngarkoni duke përdorur shërbimet e saj të bazuara në cloud, si Google Docs dhe Photos.

Gjigandi i kërkimit sapo njoftoi një mjet të ri të Backup dhe Sync, e cila do t’u japë përdoruesve të përditshëm mundësinë për të ruajtur të gjitha dosjet dhe fotot në kompjuterët e tyre në Google Drive.

Ajo do të bëjë menaxhimin e skedarëve në cloud për një përvojë më të mirë për përdoruesit. Në vend që të krijoni dosje krejtësisht të reja, ky mjet do të rikrijojë sistemin tuaj të dosjeve në Drive.

Google thotë se e ka krijuar këtë mjet duke patur në mendje përdoruesit e Drive, kështu që kjo nuk është domosdoshmërisht e ndërtuar për sistemet komplekse që bizneset kanë tendencë të përdorin. Në vend të kësaj, do t’u japë përdoruesve individual një mënyrë më të lehtë për të ruajtur dosjet e tyre.

Ky mjet i ri ju lejon që të zgjidhni dosjet në kompjuterin tuaj për t’u ruajtur në Drive. Nëse nuk paguani për ruajtje shtesë dhe keni një ton me skedarë në tavolinën e punës, ju mund të përdorni hapësirën prej 15 GB të ofruar në llogaritë falas, por gjithnjë mund të paguani për më shumë hapësirë ruajtje.

Google do ta lançoë këtë tipar të ri më 28 Qershor ndërsa të regjistruarit në klasën e biznesit ‘G Suite’ do ta përfitojnë këtë funksionalitet më vonë këtë vit.

Burimi: mashable.com