Gjirafa Lab, mundësia ideale për të rinjtë që kanë ide biznesi


Të rinjtë që dëshirojnë të hyjnë në botën e biznesit në fushën e teknologjisë, tani e kanë shumë më të lehtë. Në ndihmë të tyre janë rreshtuar shumë profesionistë, ekspertë e personalitete të shquara. Idetë e tyre për biznes në fushën e teknologjisë do të përkrahen dhe do të përcillen deri në arritjen e suksesit të biznesit të tyre.

Një nga iniciatorët e përkrahjes së ideve të rinjve është Gjirafa Lab e ndihmuar nga Agjencia e Shteteve të Bashkuara për Zhvillim Ndërkombëtar (USAID), me qëllim të zhvillimit të biznesit inovativ në Kosovë.

Ministri i Zhvillimit Ekonomik, Blerand Stavileci, ka pranuar të jetë mentor i këtyre të rinjve dhe t’i përcjell ata, që idetë dhe produktet e tyre teknologjike t’i kthej në një biznes të suksesshme në internet që njëherësh është shpresë për zgjidhjen e problemeve reale të shoqërisë kosovare, papunësinë.

“Mentorët tanë me përvojat dhe sukseset e tyre, do t’i përcjellin gjatë rrugës deri në një biznes të suksesshëm”, thuhet në web faqen zyrtare të Gjirafa Lab, ku edhe janë bërë publik emrat e mentorëve që do t’i përcjellin të rinjtë me ide për biznes në fushën e teknologjisë.

Stavileci, si mentor për këta të rinjtë është angazhuar në mënyrë vullnetare për ta dërguar deri në fund misionin e tij si ministër i Zhvillimit Ekonomik.

Burimi: orainfo.com

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale