Gjenerata e re e shitjes me pakicë


Shkruar nga Zerina Bruci*

Për dekada, shitësit dhe markat kanë zgjeruar gjurmët e tyre duke hapur dyqane të mëdha *B&M (Brick & Mortar) si një mënyrë për të tërhequr më shumë konsumatorë. Këto dyqane ofrojnë saktësisht atë që klientët po kërkonin – një shumëllojshmëri të gjerë zgjedhjesh dhe një hapësirë ​​për të kaluar kohën me blerësit e tjerë. Megjithatë, rritja e tregtisë online ka ndryshuar dukshëm kërkesat dhe pritshmëritë e konsumatorëve. Me aftësinë për të shfletuar, zgjedhur dhe blerë online, klientët sot kanë zero tolerancë për dyqanet kaotike, radhët e gjata të pritjes dhe zonat e mbipopulluara. Përshtatshmëria, personalizimi dhe lehtësia e blerjes së ofruar nga e-commerce ka bërë dyqanet fizike më pak tërheqës, shpesh të rëndë në paraqitjet e tyre dhe më shumë një dhimbje koke sesa një lehtësi. Për më tepër, rritja e vazhdueshme e tregtisë online ka rritur presionin që të bëhet një rishqyrtim i dyqaneve B&M për të përmbushur pritshmëritë e klientëve sot.

Arsyetimi i klientit për të vizituar dyqanet *B&M ka ndryshuar dhe kjo është forca kryesore drejtuese e evolucionit të shitjes me pakicë dhe riprodhimi i dyqaneve *B&M. Në ditët e sotme, një vizitë në dyqan është i vlefshëm nëse ofron të njëjtin nivel lehtësie dhe personalizim si e-commerce dhe një eksperiencë kuptimplotë dhe intensive për konsumatorët (shiko Fig.1).

Veçanërisht e vërtetë për industrinë e modës, automobilave dhe elektronikës, klientët presin eksperiencë të mundësuar nga teknologjia më e fundit, një ndjenjë të komunitetit dhe ndihmë të personalizuar nga personeli, i cili është më shumë një konsulent sesa një asistencë shitjesh. Për t’iu përshtatur më mirë kërkesave të klientëve gjithnjë në ndryshim, markat dhe shitësit po transformojnë dyqanet e tyre tradicionale, duke i përshtatur në tre lloje kryesore: dyqane *flagship (kryesor), dyqane urbane dhe dyqan lagjeje, me vlera të ndryshme. Dyqani *flagship ofron eksperiencën e fundit të blerjes duke kapur të gjitha dimensionet e përvojës me pakicë që u mundëson klientëve të kenë një eksperiencë të re autentike me markën. Dyqani urban fokusohet në lehtësinë e blerjes, duke ndihmuar konsumatorin të vendosë, duke ngushtuar ofertën e produktit tek artikujt më të kërkuar në nivel lokal. Së fundi, dyqani i lagjes ofron një përzgjedhje të kufizuar të artikujve dhe një qendër shpërndarëse për konsumatorët që përfundojnë online blerjen e tyre. Këto dyqane janë të projektuara për t’i shërbyer kërkesave të ndryshme të konsumatorëve në vende dhe segmente të ndryshme të udhëtimit të tyre blerës.

Dyqani flagship

Dyqani flagship është “dyqan i së ardhmes”, më shumë një showroom se dyqan. Ofron një eksperiencë të fuqishme, të mundësuar nga teknologjia më e fundit, niveli më i lartë i përshtatjes së produktit dhe shërbimeve të klientëve si në butik. Shtëpia e inovacionit Nike 000 ofron eksperiencën e fundit të dyqanit flagship. Përvoja dinamike, intensive dhe interaktive e Nike e tejkalon përvojën dixhitale dhe përvojën në dyqan në një mënyrë të përsosur, duke u ofruar klientëve një mundësi zgjedhje fantastike. Ngjashëm me dyqanet e tjera flagship, ky dyqan është projektuar si një shprehje e markës. Ai fton klientët të eksplorojnë markën Nike dhe të angazhohen me të nëpërmjet veçorive të ndryshme në dyqan dhe nëpërmjet aplikacionit mobile. Përdoruesit e NikePlus mund të zgjedhin produktet në telefonin e tyre mobile dhe t’i mbajnë ato në një nga “dollapët” në dyqan për t’i marrë në një kohë të mëvonshme. Funksioni Scan-to-Try lejon klientët të skanojnë artikujt gjatë vizitës në dyqan dhe t’i dërgojnë në një dhomë prove. Nike Instant Checkout u ofron klientëve mundësinë për të paguar përmes telefonit të tyre mobile, ndërsa janë në dyqan, në vend që të presin në radhë. Përdoruesit e aplikacioneve mund të caktojnë takime me specialistë në dyqan për të marrë rekomandime dhe këshilla për produktet. Për më tepër, me in-store Lab, klientët mund të dizenjojnë këpucët e tyre duke marrë rekomandime nga dizajnerët.

Lexo: Reklama e re e Nike, është një letër vizuale fymëzuese për të gjitha femrat

Shumë marka dhe shitës të tjerë po përdorin dyqanet e tyre flagship për të tërhequr klientë duke i ftuar ata të jenë pjesë e procesit të prodhimit, duke u ofruar atyre asistencë të personalizuar dhe një komunitet ekskluziv.

Dyqani Urban

Dyqani Urban është versioni i rivitalizuar i dyqaneve tradicionale B&M, i cila mundëson implementimin e teknologjive që synojnë të ofrojnë një eksperiencë më të mirë dhe më të përshtatshme për klientët. Ata pritet të integrojnë teknologji si smart checkout për të zgjidhur linjat e gjata të pritjes, raftet smart për të ndihmuar klientët të identifikojnë vendndodhjen e artikujve, integrimin me aplikacionin online për të ofruar rekomandime të personalizuara etj. Shitësit me pakicë janë duke shtuar konceptin “Backstage off-price” për të ofruar disa nga produktet e tyre në zbritje, në një përpjekje për të mbajtur blerësit që kërkojnë të bëjnë marrëveshje. Nga ana tjetër, IKEA planifikon të hapë 30 dyqane urbane të lokalizuara për hapësirat e banimit në qytet. Ajo synon t’u ofrojë klientëve mundësinë për të zbuluar, zgjedhur dhe porositur produktet IKEA që u përshtaten më mirë kërkesave të tyre duke ofruar dhe transportimin e produkteve në shtëpitë e tyre.

Lexo: IKEA po rishikon modelin e saj të biznesit. Dyqane në qendër të Parisit

Dyqani i lagjes

Dyqani i lagjes, formati më i vogël i dyqaneve, plotëson nevojat specifike të klientëve lokalë dhe shërben si një shpërndarës i produkteve. Markat dhe shitësit po përdorin këto formate të dyqaneve ndryshe për të përmbushur pritshmëritë e klientëve të tyre. Këto dyqane janë projektuar si dyqane pa magazinë dhe “shpërndarës shërbimesh” inovative që kanë për qëllim “të sjellin komoditetin dhe aksesin e disa prej shërbimeve më popullore ose të kërkuara në lagjet ku klientët jetojnë dhe punojnë”. Konsumatorët gjithashtu mund të vizitojnë dyqanet e lagjes për të marrë porositë që kanë bërë online, e cila përdoret si një strategji për të tërhequr blerësit online në dyqan. Shitësit e tjerë po eksperimentojnë me dyqanet e lagjeve në një përpjekje për të ndërprerë shpenzimet e panevojshme dhe për t’i shërbyer më mirë klientëve të tyre.

Rikthimi modern i dyqaneve B&M shënon transformimin më të madh të dyqaneve “Big Box” në 30 vitet e fundit. Ky është një largim i qartë nga shitja me pakicë me një madhësi të plotë, duke mundësuar markat dhe shitësit për t’u shërbyer klientëve të tyre në një mënyrë të përshtatshme në vendet e tyre fizike.

Lexo: Amazon hap dyqanet pa kasierë

Ata po hapin më shumë dyqane si këto në një përpjekje për të qenë të pranishëm në çdo hap të udhëtimit të blerësve me propozime të përditësuara. Me shitjet brenda dyqaneve që ndodhin përmes aplikacionit mobile, ndikimi financiar i këtyre formave të reja të dyqaneve është vështirë të matet pasi ato ndikojnë në shitjet fizike dhe ato online. Megjithatë, fitorja më e rëndësishme e kësaj strategjie është sigurimi i rëndësisë së vizitave të dyqaneve B&M si pjesë e udhëtimit të klientit. Kjo do të vendoste shitjet fizike si një shtesë të e-commerce dhe do të shënojë një epokë të re të dyqaneve B&M, duke u fokusuar në shitjen e eksperiencave.

*Flagship store – Në biznesin e shitjes me pakicë, ky emërtim i jepet lokacionit kryesor të një dyqani me pakicë, dyqani që mban ose shet volumin më të lartë të mallrave.
*Brick & Mortar (B&M) – një dyqan fizik i një organizate ose biznesi në një ndërtesë ose strukturë tjetër. Termi dyqan B&M shpesh përdoret për t’iu referuar një kompanie që posedon ose jep me qira dyqanet e shitjes me pakicë, fabrikat e prodhimit të fabrikës, ose depot për operacionet e saj.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale