Gazmir Laçi: COVID-19 nxiti krijimin e strategjive të reja të marketingut - Business Magazine Albania

Gazmir Laçi: COVID-19 nxiti krijimin e strategjive të reja të marketingut

Gazmir Laçi

Në ambjentet e Coolab Tirana u zhvillua aktiviteti “Strategji marketingu për tregun lokal” organizuar nga Garazh dhe Big Media Expert. I ftuar ishte Gazmir Laçi, drejtor marketingu i Panorama Group, i cili foli për eksperiencën e tij në fushën e marketingut.

Aktiviteti u zhvillua në formën e bashkëbisedimit, ku të pranishmit shprehën mendimet e tyre për marketingun. Pavarësisht mënyrave të ndryshme të të shprehurit, të gjithë bien dakort se marketingu është një komponent shumë i rëndësishëm, i cili kërkon vëmendje të madhe.
Sipas Laçit, marketingu është i lidhur me psikologjinë e njeriut dhe synon që të bindë për kryerjen e një aktiviteti ose përmbushjen e një nevoje të caktuar.

Marketingu nuk fokusohet në vlerat e një produkti të caktuar. Ai kërkon të gjejë dhe të plotësojë nevojat e njerëzve duke i orientuar në blerjen e atij produkti”,- tha Gazmir Laçi, ndërsa tregoi se ka patur raste kur ka dështuar thellë në marketing. Por, nga këto gabime, ai ka marrë mësime shumë të vlefshme, që e kanë ndihmuar të ndërtojë strategji më të mira marketingu. Gjatë punës së tij në Scan TV, Teoren, në kompani të tjera dhe së fundmi në Panorama Group, ai ka kuptuar se nuk ka një formulë të caktuar për të korrur sukses në marketing. Duhet të eksperimentosh dhe të kuptosh vërtet se kujt audience po i drejtohesh dhe pse.

“Mos kini turp t’i thoni dikujt që një produkt nuk është për të dhe mos harxhoni para për të ndjekur një klient që nuk është potencial për produktin tuaj.”,- tha Gazmir Laçi.

Ne zhvilluam një intervistë të shkurtër me të, për të folur rreth disa çështjeve aktuale sot që lidhen me marketingun:

Sa i kushtueshëm mund të jetë një marketing i mirë për bizneset e vogla?

Sot nuk ka nevojë të kesh një buxhet të madh për të bërë marketing. Platformat online të japin mundësinë, që me aq buxhet sa ke të investosh dhe të marrësh mbrapsht atë që ke investuar dhe nëse je një menaxhues i mirë nuk është e nevojshme të shpenzosh shumë para.

A kanë ndryshuar strategjitë e marketingut pas periudhës së COVID-19?

Është një pyetje që ia bëj shpesh vetes, në fakt. Marketingu në vetvete i shërben nevojave të një individi dhe nevojat e individit kanë ndryshuar, për rrjedhojë edhe strategjitë e marketingut kanë ndryshuar. Nëse marrim shembullin e maskave, para pandemisë do ishe i çmendur të mbaje një maskë, ndërsa tani do jesh i çmendur në se nuk mban një maskë, një ndryshim shumë i madh. Pandemia ka ndikuar për mirë në krijimin e strategjive të reja të marketingut dhe në drejtimin e tregut, i ka dhënë rëndësi një tjetër mekanizmi shumë të rëndësishëm për bizneset, siç është mardhënia online. Sot, dashje padashje të gjithë po bëhen më miqësorë ndaj teknologjisë dhe po e përqafojnë atë.

Cila mendon se do të jetë e ardhmja e marketingut?

Për sa kohë do të ketë njerëz që duan të jetojnë më mirë do të ekzistojë dhe marketingu, sepse marketingu ekziston vetëm për një arsye, për të përmirësuar dhe zhvilluar mënyrën e jetesës. Ai zbulon nevojat, krijon produktin për atë nevojë dhe i mbulon nevojat klientit ose përdoruesit dhe kjo e bën marketingun të jetë gjithmonë inovator dhe i pranishëm.

Cilat janë disa këshilla që mund të japësh për marketerët e rinj në treg? Çfarë duhet të kenë ata parasysh?

  1. Gjëja e parë që duhet të kenë parasysh është të lexojnë shumë rreth kësaj fushe.
  2. Së dyti, fokusohuni te ajo që dini të bëni më mirë në këtë fushë dhe punoni për të qenë më të mirët në atë që bëni.
  3. Së treti, eksperimentoni. Marketingu krijon të ardhmen dhe për këtë i duhet të gjejë mënyra të reja duke mos u bazuar gjithmonë në diçka që ekziston.
  4. Së katërti, që të jesh i suksesshëm në marketing ti duhet të kuptosh qartë se çfarë kërkon klienti, ta përkthesh në produkt dhe t’ia shesësh po atij grupi klientësh dhe jo të gjithëve.

Intervistoi: Kristi Kumria

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0