Ligji i ri i miratuar përfshin të gjithë stdentët derin në moshën 15 vjeç të cilëve ju ndalohet përdorimi i telefonave, tabletëve dhe orave inteligjente.
Ministri i Arsimit Jean-Michel Blanquer ka thënë më parë se kjo masë lidhet më shëndetin publik sepse fëmijët nuk po luajnë më së bashku gajtë orareve të pushimit.
Ditën e martë, z. Blanquer shkoi në Tweeter se ligji tashmë ka hyrë në fuqi me vetëm një votë kundër tij.
“Faleminderit të gjithë parlamentarëve për këtë progres që pritet të ndodh në shkollat tona,” thotë z. Blanquer.
Ky ligj është krijuar për të mbrojtur fëmijët dhe adoleshentët.
“Të gjithë e njohim fenomenin e ditëve të sotme të varësisë ndaj ekraneve të telefonave,” thotë ai.
Opozita e ka quajtur këtë projektligj si “kozmetik” dhe tha se nuk do të ketë asnjë lloj ndikimi në jetën reale. Sipas ligjit të ri, të gjitha pajisjet elektronike telefonike ose jo duhen lënë në shtëpi, apo të mbahen të mbyllura deri në përfundim të orarit mësimor.
Shkollat mund të bëjnë përjashtim për “raste pedagogjike”, për aktivitete ekstrakurrikulare, apo për nxënësit me aftësi të kufizuara.
Shkollat e mesme, ndërkohë, mund të vendosin vet nëse do të preferojnë një ndalim të pjesshëm apo të plotë të këtyre pajisjeve.
Z. Jean-Michel Blanquer ishte shprehur më herët se ligji ekzistues nuk gjente zbatim të gjithanshëm dhe se nuk ishte i ashpër sa ç’duhej, ndërsa ky i riu i miratuar së fundi e zhvendos Francën në “shekullin e XXI-të”.
“Kjo i jep një mesazh shoqërisë franceze, sikurse edhe vendeve anembanë botës”, tha ai. Afro 9 në 10 adoleshentë francezë, të grupmoshës nga 12-17 vjeç zotërojnë tashmë një “smartphone”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
