Ky aktivitet ishte nismë e Departamentit të Informatikës në bashkëpunim me Ministrinë e Inovacionit në kuadër të Javës së Inovacionit.
Në fazën përmbyllëse ishin të ftuar Ministrja për Inovacion dhe Administratën Publike Znj. Milena Harito, Rektori i Universitetit të Tiranës, Prof. Dr. Mynyr Koni, Dekani i Fakultetit të Shkencave të Natyrës Prof. Dr. Spiro Drushku dhe Drejtuesi i Departamentit të Informatikës Prof. Asoc. Dr. Endri Xhina.
“Young Programmer Space (Këndi i Programuesve të rinj)” është një platformë e aksesueshme online në adresën education.fshn.edu.al:8888 në të cilën ofrohet shkrimi i programeve në gjuhë të ndryshme programimi përfshirë C, C++. Kjo platformë mundëson kontrollin e programeve në kohë reale.
Gjatë Konferencës me nxënësit e gjimnazeve të Tiranës u promovua platforma: “Hapësira e programuesve të rinj”, ku fituesit e këtij konkursi të organizuar në datën 10 Maj u pajisën me certifikata dhe çmime të ndryshme.
Departamenti i Informatikës u përgëzua nga të pranishmit për këtë projekt, duke qenë se tashmë teknologjia e informacionit është bërë pjesë e pandarë e jetës tonë dhe një projekt i tillë u hap dyert shumë të rinjve për të qenë sa me të informuar dhe sa më afër asaj që këto programe ofrojnë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
