Unë kam një imazh të ngulitur për mënyrën se si mund të jetë një sipërmarrës. Për shembull ai mund të jetë i ri (duke kujtuar Facebook, Twitter, Google, etj.) ku dita e tij e zakonshme është duke punuar mbi 80 orë në javë dhe duke e zënë gjumi poshtë tavolinës. Për disa gjëra mund të kem të drejtë por për shumicën thjesht po hamendësoj dhe jam totalisht gabim. Kjo tregohet me raportin e bërë nga fondacioni Kuffman për sipërmarrjen. Raporti quhet “Anatomia e një Sipërmarrësi”. Ai bazohet në një studim të bërë me 549 themelues kompanish për industri të ndryshme.
Ja disa nga pikat më interesante të këtij raporti:
1. Mosha mesatare e një themeluesi të një kompania, që nga momenti i krijiimit të kompanisë është afërsisht 40 vjeç.
2. Më pak se 1% e tyre vijnë nga familje ekstremisht të pasura apo ekstremisht të varfëra.
3. 15.2% e sipërmarrësve kanë një vëlla/motër i cili/e cila ka patur një biznes.
4. 69.9 % e të anketuarëve ishin të martuar kur krijuan biznesin e tyre. Ndërsa 5.2% e tyre ishin të divorcuar, të ndarë apo të ve.
5. 59.7% e tyre kishin të paktën një fëmijë kur krijuan biznesin e tyre të parë dhe 43.5% kishin dy apo më shumë fëmijë.
6. 74.8% e tyre tregojnë dëshirën e madhe për të ndërtuar mirëqenie e cila është aq e rëndësishme për ta sa të qenurit sipërmarrës.
7. Vetëm 4.5 % thanë se pamundësia për të gjetur punë ka qenë një faktor i rëndësishëm në fillimin e një biznesi.
8. Sipërmarrësit janë më të edukuar se prindërit e tyre.
9. Sipërmarrja jo gjithmonë është në gjak, domëthënë e trashëgueshme. Më shumë se gjysma (51.9 %) e të anketuarëve ishin të parët nga familja e tyre që krijuan një biznes.
10. Pjesa më e madhe e të anketuarëve (75.4%) kishin qenë nënpunës në një kompani tjetër për më shumë se 6 vite para krjimit të komanisë së tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
