Lançimi më i madh për reklamimin në Facebook erdhi vitin e kaluar, me Canvas. I ngjashëm me Canvas, një koleksion është krijuar posaçërisht për celularët dhe është projektuar për të fituar më shumë përdorues në aplikacionin e Facebook – para se t’i drejtojë ata në faqen e internetit të reklamuesit.
Maz Sharafi, drejtor i Facebook tha se qëllimi i këtij formati është të ndërtojë një eksperiencë të re tregtare për njerëzit dhe të ndihmojë marketerët të rritin shitjet nëpërmjet celularit.
“Koleksionet janë projektuar në mënyrë të tillë që Facebook të zgjedhë dhe të shfaqë produktet që konsumatorët duan nga katalogu i gjerë i tregtarëve.”
Pra reklama shfaqet në News Feeds të përdoruesve; ajo shfaqet në formën e videos apo imazhit, i ndjekur nga katër imazhe të produktit më poshtë. Nëse dikush shtyp mbi reklamën, ajo hap një katalog të gjerë deri në 50 produkte të ndryshme. Në qoftë se ata klikojnë në një produkt të veçantë, ata do të shkojnë në faqen e internetit të reklamuesit për të bërë blerjen.
Facebook gjithashtu njofton edhe një ndryshim në mënyrën se si reklamuesit mund të matin rezultatet e tyre. Për njësitë si: koleksione dhe Canvas, ajo nuk do t’i thotë reklamuesit vetëm kur dikush klikon një reklamë – ajo gjithashtu do të masë klikimet nga jashtë, pra kur dikush klikon në faqen e internetit të biznesit “. Kjo do të jetë në dispozicion edhe për reklamuesit në Instagram.
Burimi: techcrunch.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
